Ticketing nü
Le passaje a n sistem de ticketing de sudtirolmubiltà nü vá dër bun inant.
Te chësc tëmp de passaje velel por chertes desvalies condiziuns d'adoranza desvalies.
En linia de prinzip velel chësc: le mobile ticketing vá dagnora! Che che cumpra o convalidëia süa cherta online tres l'app südtirolmobil ne depënn daldöt nia da automac de chertes y de convalidaziun y á tres na cherta varënta da tó ca.
Contactless-tickets:
- Südtirol Pass, Euregio Family Pass, Südtirol Pass abo+, Südtirol Pass 65+. Chëstes chertes pó gní ciariades sö te bus regionai (cun contanc), online y pro les posć de venüda südtirolmobil.
- Mobilcard: Mobilcards contactless pó gní convalidades sciöche zënza.
Dötes les atres chertes:
- Cherta singola:
- bus regionai: an pó cumpré la cherta sön i bus;
- te paisc: les chertes é da ciafé da cumpré ti bus regionai y pro les südtirolmubiltà – lueges de venduda.
- Cherta por grups: an pó cumpré la cherta ti bus regionai.
- Südtirol Guest Pass: la cherta vëgn convalidada tres n codesc QR.
- Cherta singola y Mobilcard: la cherta vel sciöche cherta da mostré. Dede ite prëibel la data y l’ora.
- Cherta de n de por corieres de cité a Balsan y a Maran: chësta cherta pón ma fá online tres la app südtirolmubiltà. An ne ciafa nia da cumpré la cherta ti bus y gnanca ti lueges de venduda.
- Euregio 2 Plus: an ciafa da cumpré la cherta ti bus regionai o online tres la app y te düc i südtirolmubiltà – lueges de venduda.
- Cherta valur: da agost dl 2023 incá ne ciafon nia plü da cumpré chertes valur, deplü informaziuns é da ciafé chiló olache al vëgn publiché nostes news.
Le plü saurí se fajëise sce i paiëis i iadi fac cun le Südtirol Pass dedô (postpaid). Nüsc cliënc y nostes cliëntes ciafa vigni dui mëisc na fatura; al é comot da paié la soma tla fatura diretamënter tres le mandat SEPA dal cunt dla banca.
Sce i chirise fora la metoda de paiamënt prepaid spo ëise chëstes poscibilités da ciarié sö la cherta:
- pro i automac dles chertes tles staziuns dla ferata o dl bus y ti bus regionai: la soma vëgn atira ciariada sö;
- pro i posć de venüda, pro l'automat bancomat y sön le portal dl cunt online dl anuzadú/dl'anuzadëssa portal.suedtiromobil.info: la soma vëgn ciariada sö le de dedô.
Co feji pa da convalidé les chertes contactless?
Dötes les chertes che á stampé lassura n simbol contactless mëss gní tignides dan le sensur dl aparat de convalidaziun (al é le medemo simbol).
Co convalidëii pa la cherta cun le codesc QR?
Tles staziuns dla ferata y ti bus vëgnel adoré i leturs de chertes cun n codesc QR dla generaziun plü nöia. Al é saurí da convalidé: Metede la cherta sön la pert dessot dl aparat de convalidaziun y aspetede che al vëgnes sö l'"OK" vërt sön le monitor y che i aldise le segnal acustich.
Sce al ves é gnü trat jö scioldi adinfal scriede na e-mail a contact@suedtirolmobil.info o cherdede sö le numer de telefon +39 0471 220880. Sce al ves é gnü trat jö scioldi adinfal, i ciafëise sambëgn zoruch.
Tles 55 staziuns dla ferata dl Südtirol él gnü metü sö 55 automac de chertes. Tla staziun dla ferata de Balsan él a desposiziun dui automac dles chertes.
Pro i aparac vára da cumpré les chertes por les ferates y ciarié sö le Südtirol Pass (prepaid). De plü funziuns sará tosc danman.
Sëgn funzionëia ince i auomac pro les staziuns di bus. Iló pón cumpré chertes da prisc fisc (por ej. mobilcard o chertes da n de) o ciarié sö le Südtirol Pass (prepaid).
Sëise te na staziun olache l'automat é rot? Informede atira pornanche i piëis ia le personal dla ferata, a na moda da podëi cumpré te ferata na cherta zënza suplemënt.