südtirolmubiltà 65+ Pass
Pudëi se muever ne ie nia na cuestion d’età
L südtirolmubiltà 65+ Pass ie na cherta de viac persunela, eletronica y anuela per persones sëura i 65 ani, che à n scora en Südtirol. A n priesc fis da paië n iede al ann possel unì adurvà flessibilmënter y zënza limitazions te dut l raion dl trasport südtirolmubiltà cun leprò nce la ferates regiuneles nchin a Trënt.
Nia unì adurvà possa l südtirolmubiltà 65+ Pass sun la trassa dal Prëner a Dispruch y da Sanciana / Vierschach a Lienz, sce n uel tò pea rodes o tieres y ënghe nia sun la curieres Nightliner, cun costes adiziuneles. La ferates a destanza longia y i trëns a auta velocité ne é nia cumpres.
L südtirolmubiltà 65+ Pass ie da cunvalidé dan uni viac cun n check-in scëmpl. Sun dumanda dl personal de cuntrol sun la ferates y la curieres iel nce da mustré ca la cherta d’identità.
Per l südtirolmubilità 65+ Pass iel mé da paië na soma pausciala al ann:
- 150 Euro: per persones danter 65 y 69 ani
- 75 Euro: per persones danter 70 y 74 ani
- 20 Euro: per persones da 75 ani insù
La soma fissa al ann possa unì fat online sun la plata web südtirolmubiltä. L slungiamënt anuel possa nce unì fat online cun cherta de credit / pagoPA (l possa unì a se l dé spëises).
Uni viac cun la curiera o la ferata muessa unì registrà cun n check-in scëmpl pra i njins de cunvalidazion brums, sce no ne vel la cherta de viac nia. Per fé la cunvalidazion tlechel tenì la cherta südtirolmubiltà 65+ Pass permez al sensor.
Canche n furnea cun la ferata: sce n muda ferata nen tulan n’autra de cunliamënt ne iel nia de bujën de fé mo n iede na cunvalidazion tla stazion ulache n muda. Chiche furnea cun l südtirolmubiltà 65+ Pass cun na ferata regiunela dal sud de Trënt de viers de Bulsan y che à na cherta de viac valeivla per la trassa nchin a Trënt ne muessa nia cunvalidé si abunamënt per furné inant de viers dl Südtirol.
Trasses dla ferata Dispruch-Prëner y Lienz-Sanciana: Bele tla stazions de Dispruch, Sillian y Lienz iel puscibl fé la cunvalidazion cun validità dala stazion dl Prëner o dala stazion de Sanciana. Per la trassa austriaca muessen fé na cherta aposta.