Tò pea tieres
An pó tó para i cians, mo al é da mëte averda
Sce al é lerch assá pól gní tut para sot la responsabilité dl patrun/dla patrona ince tiers. Che che se tol para n tier mëss tó les mosöres de precauziun che é debojëgn por che al ne vëgnes nia fat dagns o gaujé desturbs ales porsones sön le iade.
I cians mëss gní tignis tla corda, an mëss ti mëte le smusé y ai ne pó nia ocupé n post da senté. I cians di vërc n’á nia bria da avëi le smusé, ater co sce posones che s'anüza di mesi de trasport o personal di mësi de trasport se le damana.
I tiers de ciasa che vëgn portá te na tascia o n box aposta, vëgn aratá sciöche n cufer, porchël vái debann.
Por i tiers de ciasa che n'é nia te n box pól gní cumpré öna de chëstes chertes:
- Cherta de viac scëmpla: 2,00 € por n iade su;
- cherta de viac per n di: 3,50 €.
südtirolmobil Pass a chilometer (südtirolmobil Flex Pass y südtirolmobil FlexFamily Pass): Al vá debojëgn de n'obliteraziun surapró por le trasport de tiers. Por le trasport de tiers vëgnel trat jö le medemo prisc co por la porsona che á le südtirolmobil Pass. Cun le südtirolmobil Pass vára ma da obliteré por un n cian; por le trasport de tiers ne vëgnel nia acredité chilometri sön le cunt di chilometri dl südtirolmobil Pass de che che tol para le tier.
Le südtirolmobil Pass cun tarifa pausciala cun la funziun de paiamënt ativada: Al vá debojëgn de n'obliteraziun surapró por le trasport de tiers; le iade costa 12 cent a chilometer tarifar (altamo 10 chilometri tarifars).
Cun le südtirolmobil Pass vëgnel trat jö por le trasport de tiers la tarifara mascimala al de de 3,50 €.
Chëstes chertes y les tarifes por le trasport de tiers vel ma por la rëi dl trasport de südtirolmobil, chël ó dí ma tl Südtirol y tles ferates regionales cina a Trënt. Sön les furnadoies devers Kohlern, Vöran y Mölten velel tarifes aposta por le trasport de tiers.