Mobilcard
Vacanzes tl Südtirol: tòlete liede dal auto!
Cun la Mobilcard possa duc i mesuns de trasport publich te nosta provinzia, nce la ferates regiuneles y regiunels-express nchin Trënt y l auto dla posta svizer (PostAuto Schweiz) danter Mals y Müstair unì nuzei tan suvënz che n uel. La Mobilcard ie da avëi per 1 n di, per 3 o per 7 dis ndolauter. Mutons/Mutans danter 6 y 13 ani giapa duta la Mobilcards a n priesc arbassà tla forma de chertes-junior.
La Mobilcard per viages cun la ferates a destanza longia (p. ej. ferates EC, Railjet, Frecciargento, Italo) coche nce per vel linia de curieres turistiches ne vel nia. D’instà dl 2023 ie chëstes la linies linia 439 Welsperch-Lech de Braies, la linia 440 Kreuzbergpass-Fischleintal-Sest-Innerfeldtal, la linia 442 Toblach-Niederdorf-Braies dai 10.07. ai 10.09.2023 coche nce la linia 444 Toblach-Misurina-Trëi Pizes de Lavarëi/Utia Auronzo.
La mobilcard ie da giapé
- pra la lueges de venduda südtirolmubiltà,
- ti ufizies dl turism,
- pra i automac de chertes südtirolmubiltà tla stazions,
- pra la purteles de chertes de viac tla stazion de Trënt.
- pra l zënter tlienc y tlientes dla VVT tla stazion zentrela de Dispruch (tlo iel mé da giapé na cherta per l di Mobilcard per adulc; la mobilcard possa unì cunvalida tla stazion de Dispruch pra i njins de cunvalidazion brums y vel dal Prëner inant per duta la provinzia de Bulsan
Chësta cherta de viac ie ënghe da giapé online tl’app dla südtirolmubiltà ; cëla n chësc cont “Mobile Ticketing”
La Mobilcard ie na cherta de viac persunela y nia trasferibla tla forma de na cherta contactless o de na cherta cun vëta magnetica. La Mobilcard muessa unì cunvalideda dan uni viac pra i njins de cunvalidazion brums tla curiera o tla stazions. L tleca tenì permez la cherta contactless dancà pra l sensor o mëter ite la cherta cun la vëta magnetica da lassù ju tl cunvalidadëur.
Sun la pert dovia dla cherta contactless iel, dan che n l’adrova per l prim iede, da scrì l inuem dl tituler/dla titulera dla cherta y la data de validità (l medemo di o 3 o 7 dis de calënder dala prima cunvalidazion). Pra la cherta cun vëta magnetica vën la data de destumeda stampeda sun la cherta pra la prima cunvalidazion.
| Persones adultes | Mobilcard Junior (da 6 a sota 14 ani) | |
|---|---|---|
| Mobilcard 1 di | 20,00 Euro | 10,00 Euro |
| Mobilcard 3 dis | 30,00 Euro | 15,00 Euro |
| Mobilcard 7 dis | 45,00 Euro | 22,50 Euro |