Cherta de viac scëmpla
Via y ca o n’ëura alalongia dut ncrëusc
Per n viac sëul cun la ferata o la curiera, per l viac de jita y de reviers o nce per furné de plu iedesc tl raion dl luech possen cumpré na cherta de viac scëmpla.
Priesc: 15 Cent per chilometer tarifer, turondà sun i 50 Cent dessëura;
Priesc minim per uni viac: 1,50 Euro.
Da giapé per n viac scëmpl o per n viac de jita y de reviers:
- pra la lueges de venduda südtirolmobil
- sun la curieres regiuneles (viac scëmpl)
- pra i automac de chertes südtirolmobil tla stazions.
Chësta cherta de viac ie ënghe da giapé online tl’app dla südtirolmubiltà ; cëla n chësc cont “Mobile Ticketing”.
la ferates regiuneles possen cumpré na cherta de viac scëmpla cun n sëurapriesc de 5 Euro diretamënter pra l personal dla ferata. Canche l passijir/la passajira sënta ite tla ferata te na stazion pra chëla che l ne ie no na purtela de venduda de chertes y no n automat de chertes ne vëniel nia rata l sëurapriesc.
Validità
La cherta scëmpla possa unì cumpreda nchin 2 mënsc dan che la vën adurveda. Do che la ie unida cunvalideda velela 3 ëura y la vel mé per dut l viac zënza nteruzion.
Cunvalidé
La cherta de viac scëmpla muessa unì cunvalideda dan che n scumëncia l viac diretamënter tla curiera o tla stazion da chëla che n pëia via. L ie mé de bujën de mëter la cherta da lassù ju tl njin de cunvalidazion brum. Sce n fej n viac de jita y un de reviers muessa tramedoi viages unì fac n l medemo di y la cherta ie da cunvalidé tramedoi iedesc.
Chertes singules per Lavis y Trënt possa nce unì cumpredes sun www.trenitalia.com
Da giapé
- pra la lueges de venduda südtirolmobil
- pra i automac de chertes südtirolmobil
- ti Citybus y pra i automac de chertes sun la curieres de zità tl raion de Bulsan y Laives (mé muneides, l ne vën dat ora degun rest).
Te chësta curieres dla SASA a Maran y ujinanzes ne iel plu degun automac dla chertes de viac y perchël ne iel nia plu mesun cumpré la chertes tla curiera. Ai passajires ti vëniel perchël cunsià de cumpré la chertes curespundëntes for dan scumencé l viac.
Chësta cherta de viac ie ënghe da giapé online tl’app dla südtirolmubiltà ; cëla n chësc cont “Mobile Ticketing”.
a nuzé
Per viages cun curieres de zità tl raion de Bulsan-Laives y tl raion dla zità de Maran y nce per viages cun l Citybus tl raion dl luech respetif.
Cunvalidazion y validità
La cherta de viac scëmpla per l raion dl luech vel tla medema zona tarifera dala prima cunvalidazion per 60 menuc. Te chësc tëmp possen nce fé de plu viages cun la curiera tl medemo luech. La cherta ie da cunvalidé pra uni viac.