cane

Tò pea tieres

Mé i pitli cians furnea debant, metëde verda

Tla respunsabiltà dla persona che fej l viac y sce l ie lerch possen nce tò pea tieres. La persona che tol pea l tier muessa cialé che la mesures de precauzion vënie tenides ite y che l ne vënie nia gaujà dann o n desturb dla jënt tla curiera. I cians muessa unì tenii pra la corda y ne daussa nia ocupé n post da senté. N generel vën i cians, ora che chëi scialdi pitli, mé tëuc pea sce i à n musel. I cians per i vierces daussa furné zënza musel, ora che sce persones sun la curiera o l personal dla curiera pertënd che n dëssa l mëter su.

Tieres de mesura mesana o majera possa unì tëuc pea cun una de chësta chertes de viac:

Südtirol Pass y Euregio Family Pass: L ie de bujën de na cunvalidazion n plu per tò pea l tier. Per l tier vëniel trat ju l medemo priesc che per l patron cun l Südtirol Pass. La cunvalidazion cun l Südtirol Pass possa mé unì fata per 1 n cian. Sce n tol pea n cian ne vëniel acredità degun chilometri sun l cont chilometrich dl Südtirol Pass.

Südtirol Pass 65+ y Südtirol Pass abo+ cun funzion de paiamënt ativeda: L ie de bujën de fé mo na cunvalidazion per pudëi tò pea l tier. L priesc ie de 15 Cent al chilomter tarifer.

Chësta chertes y tarifes per tò pea i tieres vel mé tl raion dla rë südtirolmubiltà, chël uel dì tl Südtirol y sun la ferates nchin Trënt. Sun la furnadoies de Kohlern, Vöran, Mölten y Meransen iel d’autra tarifes per i tieres.

Furné debant daussa cians per vierces y pitli tieres che n possa tenì tl brac. Plu o manco velel chësta mesures: Tieres che à lerch te na box da trasport dla mesures de alplù 70 x 30 x 50 cm ne muessa nia avëi na cherta de viac.

Stuel a rodes y bagl
Nosc travert: pité a duc de se muever cun i mesuns publics
Mo d'autra nfurmazions
Pucajia y d’autra roba
Cufri, tasces, schi y tieres de stof: (belau) dut possa furné pea.
Mo d'autra nfurmazions
Tò pea la roda
Te tòles pea la roda? Chësc ie da abadé.
Mo d'autra nfurmazions
App südtirolmubiltà
südtirolmubiltà per furné ncantantëur: duta la nfurmazions ala man.
Mo d'autra nfurmazions

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.