Allerta meteo
Possibili ritardi e interruzioni del trasporto pubblico
de plu nfurmazions
[Translate to Ladin:]

südtirolmubilità: cater posć de venüda nüs

Chertes por le bus y la ferata él ince da ciafé daimpró

„Condüje la mobilité publica daimpró dala jënt“ –  Chësc moto ne reverda tl Südtirol nia ma l’ampliamënt di coliamënc dl bus y dla ferata. Ince por ci che reverda les chertes chir südtirolmubilitá la vijinanza cun la jënt. Che che s’anüza dl bus y dla ferata pó sëgn cumpré les chertes te ciamó cater posć:

  • Balsan:  tabacaria „Il Quadrifoglio“, Cagliaristraße 4
  • Maran: Bar Monopol, Pfarrgasse 9
  • Schlanders: tabacaria Spechtenhauser, Hauptstraße 61
  • Salurn: tabacaria Schgraffer Christine, Romstraße 5

La seziun „Ticketing y venüda“ dla STA se crüzia insciö a livel provinzial de bele passa 40 posć de venüda - südtirolmubilità te tröc paîsc, pro val’ staziuns dla ferata, te tabacaries y istituziuns publiches. Pro i posć de venüda vëgnel venü les chertes dl trasport publich dl Südtirol, valun pîta ince sorvisc che reverda le Südtirol Pass. Al röia ince lapró feter 160 posć de venüda por les mobilcards, bikemobil cards y museumobil cards.

Sambëgn ciafon ince chertes pro tröc automac, mo porimpó cumpra ciamó tröpa jënt plü ion les chertes pro na portina, olache an pó s’anuzé de n bun sorvisc y an vëgn aconsiá personalmënter.

Bun da savëi: Avisa a Maran y Salurn ti vá i posć de venüda nüs dër incuntra ala jënt, ajache al é ma püc automac de chertes te tröc posć te chësta fasa de transiziun. I automac dles chertes adorá cina sëgn é ince a livel tecnich n model che se röia y n’é nia plü danman, por ejëmpl ti bus de cité a Maran y tla staziun dla ferata a Salurn. Cun le sistem de ticketing nü, che vëgn sëgn lauré fora, gnarál tosc adoré aparac da obliteré nüs y le mobile ticketing sará la proscima pera miliara.

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.