Ferata dl Prener stlüta dai 2 ai 8 d’agost
Le toch dla ferata Prener-Franzensfeste resta stlüt dai 2 ai 8 d’agost porvia de laurs / Sorvisc sostitutif
de plu nfurmazions Stlù l menù

Furné ncantëur a bon priesc cun l Summer abo+

Śën nuef: n abo sajonel per l tëmp a cësa

L Summer abo+ ie pensà per jëunes y jëuni sot a 28 ani che studieia y che sta tl Südtirol ntan i mënsc da d’instà. Unfat sce tëmp liede o lëur da d’instà, a n priesc de ndut 75 euro possen cun chësta cherta ti mënsc de juni, lugio, agost y setëmber se nuzé tan suvënz che n uel di mesuns dl trasport publich.

Na “software” flessibla per ti cherta de viacChevron

La cossa particulera dl abo+ da d’instà: l ne ie nia na cherta de viac sciche l’autres, ma n pachet sëuraprò che vel per cater mënsc y che possa unì ntegrà tla cherta purtadëura dl Südtirol Pass, Euregio Family Pass o te chëla dl abo+ normal. Chëstes ie la opzions:

  • L abo+ da d’instà vën damandà da nuef: te chësc cajo iel da paië un n iede na chëuta d’emiscion de 20 euro. Chësc abo+ da d’instà damandà da nuef ie, sibe da si cialé ora che tecnicamënter, n Südtirol Pass te chël che l pachet de njonta “Summer abo+” ie bele ativà. Dantaprima ativeda ie nce la funzion de paiamënt cun chëla che n possa paië nce servijes sëuraprò sciche l tò pea la roda o n tier, l furné cun la curieres Nightliner o viages sun la trassa Dispruch-Prëner o Lienz-Sanciana. Chësc uel dì: sce n se nuza dl Summer abo+ velel pra la cunvalidazion for i medemi criteres sciche pra l Südtirol Pass normal. 
    Sce n uel, possa la cherta dai prim de utober unì adurveda inant sciche n Südtirol Pass, o fajan n cuntrat prepaid o tres la detrazion dal cont de banca (SEPA Direct Debit).
    Tres l cont de nuzeda persunel possa l abo+ da d’instà unì ativà uni sajon da nuef – sce l nuzadëur/la nuzadëura à i recuisic per pudëi l fé.  
  • L abo+ da d’instà devënta n abunamënt sajonel: Chiche à bele n Südtirol Pass abo+ y che adrova chësta cherta de viac per rejons de stude mé plu ntan i mënsc da d’instà possa ativé tres l cont de nuzeda l pachet de njonta “Summer abo+” y limité nsci la validità dl abunamënt a cater mënsc al ann. Cun l paiamënt dl priesc pauscial arbassà de 75 euro vel chësc abunamënt sajonel pona mé per i mënsc de juni, lugio, agost y setëmber. Metëde verda: Per l Summer abo+ velel pra la cunvalidazion i medemi criteres sciche pra l Südtirol Pass, scebën che la cherta purtadëura ie n abo+ normal.
    Slungë la validità mo n iede a dut l ann, chël uel dì trasfurmé la cherta te n Südtirol Pass abo+ normal, ie for puscibl tres l paiamënt dla soma anuela ntiera de 150 euro.
  • L abo+ da d’instà vën ntegrà te n Südtirol Pass o te n Euregio Family Pass bele esistënt: Pra uni Südtirol Pass o Euregio Family Pass possel unì ativà dal cont de nuzeda persunel l pachet de njonta abo+ da d’instà (Summer abo+) nchin che l nuzadëur/la nuzadëura à i recuisic che ie de bujën (stude y età nia sëura i 28 ani). Dal prim de juni ai 30 de setëmber possel pona unì fat tan de viages che n uel al priesc de 75 euro. Canche n fej la cunvalidazion velel nce pra l Summer abo+ la medema cundizions de nuzeda sciche pra l Südtirol Pass.
Se damandé l Summer abo+ : chi, can, co?Chevron

L abo+da d’instà (Summer abo+) possa unì damandà da jëunes y jëuni sot a 28 ani che ie scric/scrites ite te na università, te na scola de spezialisazion auta (Fachhochschule) o te na istituzion de furmazion parificheda y che uel furné ncantëur flessiblmënter tl Südtirol ntan i mënsc da d’instà. N adrova n numer de codesc fischel dla Talia.

L abo+ da d’instà possa unì damandà o renuvà uni ann dal prim de mei online da chësta plata web.

Sce zachei à o ova bele n Südtirol Pass abo+, n Südtirol Pass o n Euregio Family Pass ne iel nia de bujën de dé ite mo n iede duc i dac persunei.

Cunsënia dl Summer abo+Chevron

I abo+ da d’instà che vën dac ora da nuef vën mandei tres posta al’adres data sëura canche n à fat dumanda. Chësta adres possa vester na luegia de venduda de chertesde viac südtirolmubiltà, l’adres ulache n sta tl Südtirol o l’adres ulache n sta tl luech te chël che n studiëia (mé tl’Europa).

 

Paiamënt dl priesc pauscialChevron

L priesc pauscial per l abunamënt de 75 euro y, sce n cajo, la chëuta d’emiscion de 20 euro, possa unì paiei nsci:

  • canche n fej dumanda cun cherta de credit (Visa / Mastercard) / pagoPA; te chësc cajo possel unì a se l dé vel’ spëisa n plu;
  • te n segondo var cun cherta de credit (Visa / Mastercard) / pagoPA tres l cont de nuzeda persunel o tres home-banking dala banches autorisedes;
  • paiamënt diret pra la purteles che vënd chertes de viac autorisedes.
Cunvalidazion dl Summer abo+Chevron

Per l Summer abo+ velel te uni cajo i medemi criteres de cunvalidazion sciche pra l Südtirol Pass, unfat ciuna che ie la cherta purtadëura. Chësc ajache l Summer abo+ ie dal pont de ududa tecnich n pachet de njonta a paiamënt che vën ntegrà tl Südtirol Pass, Euregio Family Pass y tl abo+ normal.

Validità dl Summer abo+Chevron

L abo+ da d’instà vel uni ann dai prim de juni ai 30 de setëmber. Te chësta spana de tëmp possel unì fat per n priesc pauscial de 75 euro duc i viages che n uel cun i mesuns dl trasport publich. Sce n uel tò pea la roda o tieres o furné cun la curieres Nightliner o fé viages sun la trasses austriaches vën chësc ratà sëuraprò tres la funzion de paiamënt ativeda. 

L renuvamënt anuel dl Summer abo+ possa unì fat online dai prim de mei nchin che i/la nuzadëures à i recuisic aldò, chël uel dì nchin che i/les ne à mo nia cumplì 28 ani y nchin che i/les frecuentea na università, na scola de spezialisazion auta (Fachhochschule) o na istituzion parificheda.

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.