Donna con cellulare vicino ad autobus

Raion dla rë -südtirolmubiltà

Sciche de n jet: la mubiltà publica tl Südtirol

Per chi che furnea ncantëur tl Südtirol ne iel nia rie: cun chertes de viac uniches ie veramënter duta la stredes daviertes, cun la curieres y la ferata, te zità y ora per i paejes. La mubiltà publica cun si rë de dac ie cunlieda te n dut un.

Pra l raion dla rë südtirolmubiltà tochel:

  • La ferates regiuneles sun la trasses dla ferata tl Südtirol:
    • duta la ferates regiuneles y la ferates regiuneles express (R / RV) dla ferata dl Prëner danter l Prëner y Trënt,
    • duta la ferates dla ferata dla Val Venuesta danter Mals y Maran,
    • duta la ferates dla linia dla ferata de Maran danter Maran y Bulsan,
    • duta la ferates dla ferata de Puester danter Furtëza y Sanciana / Vierschach;
  • duta la curieres regiuneles, la curieres de zità, i Citybus;
  • la furnadoies südtirolmubiltà Renon – Bulsan, Kohlern – Bulsan, Mölten – Vilpian, Vöran – Burgstall y Meransen – Mühlbach;
  • la ferata a scines strëntes dl Renon;
  • la furnadoia a cremaliera sun la Mendula.

Nia pra l raion dla rë südtirolmubiltà ne toca la trasses dla ferata Prëner – Dispruch y Sanciana / Vierschach – Lienz. Sun chësta trasses possel bën unì adurvà n valguna chertes de viac südtirolmubiltà, ma a na tarifa extra.

Cunliamënc cun la curiera sëura l Südtirol oraChevron

La chertes de viac dla südtirolmubiltà possa nce unì nuzedes sun chësta linies de cunliamënt dla curiera sëura i cunfins dl Südtirol ora:

  • Toblach – Cortina d’Ampëz (BL)
  • Sëlva – Cianacei (TN)
  • Sëlva – Jëuf dl Pordoi (BL / TN)
  • Bulsan – Pera de Fascia (TN)
  • Auer – Ciavaleis (TN)
  • Maran – Fondo (TN)
  • Mals – Nauders (A) – Martina (CH)

Toblach – Trëi Pizes de Lavarëi (Belun): La linia possa unì nuzeda cun l Südtirol Pass te duta la variantes coche n ie usei. L ne vel per chësc servisc shuttle nia la Mobilcard, la museumobil Card, la bikemobil Card, la chertes valor y nianca la chertes per ghesć defrëntes.
Mals – Müstair (CH) – Zernez (CH): Tla curieres dla PostAuto dla Svizera ne iel nia i njins de cunvalidazion dla südtirolmubiltà, tlo vëniel deferenzià:
Zënza n paiamënt seuraprò possen furné sun chësta linia cun l Südtirol Pass abo+, l Südtirol Pass 65+, l Südtirol Pass free, la Mobilcard, la museumobil Card, la bikemobil Card coche nce cun l Südtirol Guest Pass.
Per duc i autri passajires velel sun la trassa Mals – cunfin dl Stat, unfat ciuna che ie la fermeda de partënza y de destinazion, l priesc de viac de 1,50 Euro, per chi che à n Südtirol Pass (mustran la cherta) 1 Euro.
Per i viages sëura l cunfin velel la chertes de viac recunesciudes dala PostAuto dla Svizera, danter l auter l abunamënt generel svizer, l abunamënt Halbtax, la cherta per n di dla Engiadina y la cherta per n di dl Parch naziunel svizer.