südtirolmubiltà Fix365 Pass
Le coliamënt che i adorëis
L südtirolmubiltà Fix365 Pass ie na cherta de viac eletronica che possa unì adurveda coche abunamënt per dut l ann per duc i mesuns de trasport publics tl Südtirol. L südtirolmubiltà Fix365 Pass possa unì damandà online da persones cun n numer de codesc fischel talian che ie residëntes tla Union Europeica o tla Svizera o che lëura tla provinzia de Bulsan.
Saurí, bunmarcé, por düc
- 250 € al ann por i iadi te döta la rëi südtirolmobil integrada*
- Opziun al mëis: 39 € al mëis
- Da ciafé ma online tres le portal dla clientela
- Al mëss gní dé dant n meso de paiamënt
* Ezeziuns: les ferates che vá lunc, les ferates regionales tl toch Prener-Desproch y Sanciana-Lienz, le trasport dla roda y de tiers sciöche ince i nightliner y i sorvisc de shuttle sajonai.
Saurì da adurvé y flessibl
- te dut l raion dl trasport publich südtirolmubiltà cun leprò nce la ferates regiuneles nchin a Trënt;
- ala tarifa VVT / ÖBB nce sun la trasses dla ferata Prëner-Dispruch y Sanciana/Vierschach-Lienz; sce n uel possen registré la cherta de vantaje dla ÖBB (ÖBB-Vorteilscard);
- per tré ju la tarifa per n di sce n tol pea la roda;
- per tré ju l priesc dl viac sce n tol pea n tier;
- La cherta ne possa nia unì adurveda per viages cun ferates a destanza longia (EC, Freccia, Italo, Railjet y nsci inant).
Sce i ne renovëis nia osc Fix365, vëgnel automaticamënter trasformé, do che al é tomé, y zënza cosć surapró te n Pass cun na tarifa Flex. Da chësc momënt inant vëgn i cosć calcolá sön la basa di chilometri che i sëis efetivamënter jüs cun i mesi publics.
Sce i orëis passé a n'atra tarifa, podëise ves cumpré n Pass nü sön osc account südtirolmubiltà myportal.suedtirolmobil.info.
Tl caje che an ess da se le perde, al se gniss arobé o an se rovinass le Fix365 Pass pól gní damané do n duplicat che costa 20 euro.
Sce le Pass n'á nia dagns da odëi, mo ne vá nia porvia de n defet o deache le material é danejé, pón damané debann do na cherta nöia pro i posć de venüda autorisá.
An pó damané do n duplicat pro i posć de venüda südtirolmobil autorisá.
Che che frecuentëia na scora fora dl Südtirol o i studënc y les studëntes universitars pó jí a se tó so dublicat dl Fix365 te n post de venüda autorisé.
Paiamënt dl duplicat: sce an paia tres SEPA Direct Debit vëgn i cosć por le dublicat metüs sön la proscima fatura.