Convalidé cun le smartphone

Südtirol Pass: viagé y convalidé diretamënter sön l'app

Ëise n abonamënt Flex o Fix ? O n U19, U26 o 65+ cun sorvisc surapró ativá? Cun le smartphone sciafion ince da convalidé online i iadi cun le bus, la ferata y la furnadoia zënza aparat da obliteré.

Le iade vára da convalidé, o sce al vá debojëgn anulé, cina alplü tert n menüt dan l’orar de partënza preodü. La cherta é “ativa“ pian ia dal orar de partënza programé y vel tratan döt le iade.

Convalidé online: insciö fejon

Desćiariede l’app y jide sön Osc profil

1. Jide sön Osc acount cun l’e-mail y la password.
2. Confermede les condiziuns generales de contrat y les informaziuns sön la privacy.
3. I ciafarëis n codesc d’azes tres SMS o la misciun e-mail dada ite sön le portal utënt de südtirolmubiltà.
4. Metede ite le codesc por controlé Osc account. 
5. Chiride le coliamënt cun le bus o la ferata don ite da olache i piëis ia y olache i orëis jí, o clichede sön l’icona violeta dl Ticket Shop söinsom a man dërta.
6. Chiride fora le iade dejidré y clichede sön “Cumpré”.

Co convalidé n iade

1. Chiride le coliamënt dejidré don ite da olache i piëis ia y olache i orëis jí.
2. Chiride fora la cherta da obliteré cun Osc Südtirol Pass (Flex, Fix, U19, U26 o 65+). 
3. Ajuntede sce al vá debojëgn le trasport dla roda o de tiers.
4. Clichede sön “Obliteré iade. 

Trá jö le prisc dl iade: cun la confermaziun dl’obliteraziun dl iade vëgnel cumpré a na moda vincolënta la cherta. Le prisc efetif dl iade vëgn trat jö da Osc cunt o da osc credit tignin cunt de Osc scalin tarifar atual.

Le “iade atif”

Dal’ora de partënza preodüda devënta la cherta convalidada automaticamënter ativa: la cornisc dla cherta devënta vërda y n cuntadú sö insom a man dërta dá dant da canche le tëmp vel.

Do l’ora de rovada preodü vëgn le iade archivié tla seziun “Iadi passá”. 

I podëis ince ativé manualmënter le iade dan l’ora de partënza jon sön “Iadi planificá” y chirin fora “Ciaré i detais” → “Convalidé sëgn”. Chësta opziun öga, por ejëmpl, sce i sentëis ite val‘ menüt denant. 

Metede averda: do l’ativaziun manuala ne vára nia plü da anulé le iade. 

Control sön le bus y la ferata

Mostredi la cherta digitala ativa sön Osc smartphone:

• al ciafer o ala ciaferia canche I sentëis te bus regionai,
• al personal de control tles ferates y ti bus de cité.

I iadi atifs y planificá vëigon tl’app clican sön l’icona violeta söinsom a man dërta tla seziun “Abonamënc”. Chiló él ince i dac dl account (titolar y numer dl Pass). 
Al ne vá nia debojëgn da se tó para le Pass canche an convalidëia online. 

Anulé le iade

Sce n iade é bele gnü convalidé online, spo velel ma por le iade che an á chirí fora.

Ezeziuns: Sce le iade toma fora o sce an se jöma ia le iade de coliamënt porvia de n’intardiada dl bus o dla ferata, pón tó le bus o la ferata dedô zënza anulé le iade.

Sce I orëis se fá rete i scioldi ajache osc iade é tomé fora podëise ortié la domanda tres le formular de contat online.

Sce i ne fajëis indere nia le iade chirí fora, spo vára da le anulé cina n menüt dan l’orar de partënza preodü. Le cost dl iade ne vëgn te chësc caje nia trat jö y al ne costa gnanca nia da l‘anulé.