Le prisc dles chertes dla ferata Desproch-Prener y Lienz-Sanciana vëgn adaté pian ia dal 1. de messé.
Tl Südtirol é les tarifes dl trasport publich bele da agn les medemes, tles provinzies vijines sciöche tl Land Tirol vëgn le prisc dles chertes dl VVT o dl'ÖBB indere regolarmënter adatades n pü' ince porvia dl'inflaziun. Le iade cun la ferata regionala sön la pert austriaca costa insciö pian ia dal 1. de messé n valgügn zentejimi deplü co denant:
Prener – Desproch staziun zentrala
VVT prisc normal 9,40 euro
ÖBB-Vorteilscard / mituns/mitans 5,40 euro
Sanciana/Vierschach – Sillian
VVT prisc normal 4,00 euro
ÖBB-Vorteilscard / mituns/mitans 2,10 euro
Sanciana/Vierschach – Lienz
VVT prisc normal 12,10 Euro
ÖBB-Vorteilscard / mituns/mitans 5,40 euro
Chisc prisc vel ince por che che á le Südtirol Pass y l'Euregio Family Pass, anfat cal che é osc scalin tarifar, y ince por les chertes singoles.
Bun da savëi: Sce i jëis plü gonot cun le Südtirol Pass devers dl Prener o Lienz paiel la mëia da cumpré la ÖBB-Vorteilscard (la cherta dl trasport publich austriach cun chëra che an vá miú marcé). Chësta Vorteilscard pó gní registrada tres l'account online sön vigni Südtirol Pass, Euregio Family Pass, sciöche ince sön vigni Südtirol Pass abo+ y 65+ cun la funziun de paiamënt ativada. Pro iadi cun na ferata regionala por la pert dla trassa austriaca vëgnel spo trat jö le prisc de iade arbassé.