Proclamazione sciopero
Linee autobus e treni
de plu nfurmazions
Stlù l menù

Ferata cun na iesta vërda

La ferata sciöche ambasciadëssa de sostignibilité

Al momënt vál döes ferates beles vërdes: na scomenciadia de Trenitalia por la sostignibilité y fá n apel ala popolaziun.

“Da agn se dá Trenitalia da fá te proiec che garantësc y sostëgn na vita y economia sostignibla te döt le model aziendal” spliga le diretur de Trenitalia responsabl por Balsan y Trënt Roger Hopfinger. Ara nen vá da ester n ejëmpl, cherié n valur ajunté por l’ambiënt, le raiun de vita y la clientela, trá ite düc i partner y informé y sensibilisé. Ince pro le material sön scines, pro l’adoranza de energia y materiai, sciöche ince pro i laurs de manutenziun cina pro la lita dles firmes de fornidöra é la sostignibilité n tema zentral por Trenitalia y la ferata statala FS.

Por chësc engajamënt consecuënt y por l’impëgn de suzes á Trenitalia bele ciafé de plü onoranzes a livel internazional.

“La sostignibilité vá cun la ferata“

Al momënt vál incërch tl Südtirol y tl Trentin döes ferates beles vërdes sciöche ambasciadësses dla sostignibilité cun l’apel: “La sostignibilité vá cun la ferata“. Vigni porsona che vá cun la ferata contribuësc a na moda concreta a smendrí la ciaria de trafich y le pëis por l’ambiënt.

La ferata vërda é bele stada incërch cun na misciun importanta dala daurida di dis dla sostignibilité 2022 a Balsan: ara á condüt na delegaziun de rapresentanzes dla politica, dla mobilité y dl’economia cun Enrico Giovannini, Minister por les infrastrotöres y la mobilité sostignibla, tla fiera de Balsan olache al ê la conferënza.

Implü: La ferata “Frecciarossa 1000“ á ciafé sciöche pröma ferata a d’alta velozité dl monn dan da püch n’onoranza por la sconanza dl ambiënt: ara adora le 30 % de energia demanco en confrunt al model da denant y ma materiai da reziclé.

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.