Dai 18 d'aurí dl 2026 incá él ciamó plü comot da se möie tla Venosta: cun le bikeliner nü pó che che vá cun la roda jí cun trancuilité cun la ferata danter Maran y Mals. Le sorvisc sará atif cina ai 4 d'otober dl 2026 y arichësc l'oferta che é bele por escursciuns combinades sön la linia dla ferata dla Venosta.
Le bikeliner rapresentëia n’alternativa pratica y afidabla ala ferata, ideala por che che ó esploré la valada cun la roda cun na majera flessibilité. Le bus pëia ia vigni de dala staziun de Maran (architada dl bus B) dales 9:10 y 10:10 da doman y dales 15:10 y 16:10 domisdé. Le bus s’archita ma por lascé gní fora a Naturns, Latsch, Schlanders, Spondinig y Mals.
Novité de chësc ann: por le pröm iade vára ince da aposté le iade derevers da Mals a Maran. Le bus pëia ia da Mals dales 7:00, 12:00, 13:00 y 18:00. Ince te chësc caje pón ma lové fora pro les architades amesaite.
Chiló ciafëise i orars dl bikeliner!
An pó trasporté rodes standard y e-bikes. Por rajuns de segurëza y lerch ne vára nia da trasporté tandems, cargo bikes o remorcs por les rodes. I Ves periun bel da nen tigní cunt tratan la planificaziun dl iade.
I Ves aconsiun da aposté danfora sce I orëis ciafé lerch. L'apostaziun pó gní fata cina les 18:00 dl de denant sön le portal d'apostaziun y reverda ma le post. Le cherta de iade y chëra por le trasport dla roda mëss gní cumprades separatamënter pro i punc de venüda südtiromubiltà, pro i aparac automatics o tres l’app südtirolmubiltà. I iadi da Mals a Maran mëss gní apostá.
Por ti conzede a le plü porsones che vá cun les rodes che ara vá da s'anuzé dl sorvisc, ciafa naota les porsones che á aposté ince le trasport dla roda n post. Por vigni iade pón aposté cina a 14 posć. Che che vá cun la roda che n'á nia aposté y les porsones zënza roda pó ma jí para sce al é ciamó lerch.
Apostede Osc post sön le portal d'apostaziun!
Deplü informaziuns ciafon pro le gestur:
e-mail: info@silbernagl.it
telefon: +39 0471 706633
Por garantí n sorvisc puntual y zënza intardiades Ves aconsiunse da Ves presenté tla staziun de Maran altamo 15 menüc dan la partënza por ciarié sö les rodes. Sce I ne rovëis nia adalerch por tëmp y ora vëgn Osta apostaziun anulada.
Por adoré le bikeliner vál debojëgn de dui titui de iade: na cherta südtirolmubiltà varënta - por ejëmpl na cherta singola, le südtirolmubiltà Pass o le Südtirol Guest Pass y na cherta por le trasport dla roda. La cherta dl de por le trasport dla roda costa 7,50 euro y pó gní cumprada pro i aparac automatics o tres l'app südtirolmubiltà. Che che á le südtirolmubiltà Pass pó la cumpré tres l‘app por 3,50 euro.
Sentede sö y godesse la Venosta cun le bikeliner!