I passeggeri stanno per salire sul treno

”Bonus dl transport” por che che vá cun le bus y la ferata

Domanda cina ala fin dl ann, la pert tecnica vëgn arjignada ca

Por che che á n abonamënt dla mobilité publica prevëiga le stat n “bonus dl transport” de alplü 60 euro. Le team de südtirolmubiltà dla STA é al momënt tl laur da se cruzié de val’ detais cun Roma por la realisaziun tecnica y spo mëte a jí döt.

Che pó pa fá domanda?

Al á le dërt da ciafé le bonus les porsones che á davagné indöt dl 2021 manco co 35.000 euro. Le bonus é de alplü 60 euro a porsona y pó gní damané cina ai 31 de dezëmber dl 2022 sön le portal www.bonustrasporti.lavoro.gov.it y plü avisa tres le SPID o la cherta d’identité eletronica CIE.

Por mituns sot i 18 agn pó le bonus gní damané dai geniturs o dala porsona responsabla dl’educaziun; por vigni abonamënt mëssel gní fat na domanda a pert.

La STA laora fora les domandes por le Südtirol Pass y i abos

Pro la domanda online él da dé dant l’impresa olache al dess gní adoré le bonus. Por che che s’anüza de südtirolmubiltà laora fora la STA la domanda. Che che oress s’anuzé dl bonus por le Südtirol Pass o n ater abonamënt dess chirí fora dla lista “STA SPA”.

Do avëi fat domanda ciafa l’utënt dal ministere n codesc por le bonus che ti é gnü dé. Chësc bonus pó gní anuzé le mëis dl’emisciun por paié n abonamënt pro l’impresa dada dant.

südtirolmubiltà: bonus sot forma de credit

Por che che á le Südtirol Pass y n abo orunse che döta la prozedöra sides trasparënta y nia burocratica y che le bonus vëgnes trasformé te n credit. Ara ne vá nia da se lascé paié fora le bonus tres le cunt bancar.

Ortiesse prëibel üsc dac tres chësc formular online, spo se cruziunse da acredité le bonus. Al é da dé dant le numer dl Südtirol Pass o dl abonamënt, le codesc fiscal dl titolar dl abo y le codesc ortié dal ministere por le bonus. Do n control intern vëgn le bonus metü sön le cunt dl utënt.

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.