Le ferata é le meso de trasport ideal por rové al‘Arena de biatlon de Antholz a ti ciaré ales gares olimpiches de biatlon. Ia por le de vá la ferata de Puster vigni mesora danter Franzensfeste y Sanciana y garantësc n iade comot y regolar. Por i vijitadus y les vijitadësses che vëgn dal Tirol él preodü na ferata al'ora.

Tla staziun de Valdaora-Antholz á i vijitadus y les vijitadësses la poscibilité da mudé y s'anuzé dl sorvisc de shuttle B dl organisadú, che i condüj cina Antholz Mittertal. Da dailó inant ván 5 menüc a pe (300 m) cina al punt de racoiüda, olache an pó spo s'anuzé dl sorvisc de shuttle A. Chësc shuttle condüj i vijitadus y les vijitadësses cina a zirca 15 menüc a pe (850 m) dal'Arena de biatlon, olache al é les gares. Informaziuns plü detaiades ciafon sön le sit web ofizial dl organisadú.

Dala staziun dla ferata de Valdaora-Antholz al'Arena de biatlon ván ca. n'ora y mesa. I sorvisc de shuttle (A, B, C) é debann.

• Orar linia dla ferata de Puster
• Suravijiun shuttle
• Co rivé a Anterselva
• Orar Shuttle A
• Orar Shuttle B
• Orar Shuttle C

Avis important:
Por garantí n'esperiënza relassanta, aconsiunse da rové adalerch denant por che I ëise assá tëmp por le iade y i controi de segurëza. Les entrades dl'Arena de biatlon deura bele 3,5 ores dan le scomenciamënt dla gara.

Rové adalerch y lascé l’auto a Antersëlva

A Antersëlva él incër 1.400 posć por i auti. Les plazes da parché é debann por i auti cun na cherta varënta por la manifestaziun olimpica dl de. Al ne mëss nia prenoté la plaza da parché. Le punt de control a Rasun é ma d’öga por la gestiun dl trafich: ara ne vá nia debojëgn da mostré n pass por l’auto.

Canche les plazes da parché a Anterselva é ocupades al 80-90%, vëgn i segnai stradai mudá, y i auti vëgn deviá cuntra Valdaora, olache al é ciamó 700 posć por i auti. L’organisaziun generala é gnüda arjignada ca por na capiënza de plü o manco 18.000 porsones al de. Incër 9.000 porsones rovará adalerch cun i mesi publics, i atri cun l’auto.

Por i vijitadus y les vijitadësses dles gares di Jüc olimpics da d'invern a Livigno él gnü amplié le sorvisc de trasport sostitutif B250 sön la trassa Schlanders-Mals. Tla staziun de Mals vára da mudé meso de trasport y jí cun le bus regional 811 devers de Zernez.

Che che vá cun la linia 811 pó mudé a Müstair Clostra, Müstair Posta o pro l’architada Punt la Drossa P4 (dlungia la staziun de paiamënt dl tunel Munt-la-Schera) y tó le shuttle devers de Livigno. Le shuttle vá danter:
• Zernez-Livigno
• Müstair-Livigno

Da gní zoruch vára da mudé meso pro l’architada Punt la Drossa P4 o a Müstair sön la linia regionala 811 devers de Mals.

Coliamënc direc da sëra da Livigno a Mals:
Val' sëres él a desposiziun coliamënc direc da Livigno y Mals. Les partënzes dal’architada Livigno, Ostaria Seggovia Valandrea é dales 21:22, 22:22 y 23:22. An röia tla staziun de Mals dales 22:20, 23:20 y 00:20. Por chisc coliamënc direc vëgnel garantí le iade inant devers de Schlanders cun le sorvisc sostitutif B250. Orar dla linia B250

Plazes da parché por che che röia adalerch cun l'auto:
Por i vijitadus y les vijitadësses che röia adalerch cun l’auto él a süd de Müstair la plaza da parché P+R Müstair P&R Olimpico. Da dailó inant pëia ia n sorvisc de shuttle che vá diretamënter a Livigno. Informaziuns plü detaiades sön la gestiun dl trafich y sön co rové a Livigno ciafon chiló.

Avis important:
Tl orar online de südtirolmubiltà ciafon ma i orars dla linia regionala 811 y dl sorvisc sostitutif B250. I orars di dui sorvisc de shuttle Müstair-Livigno y Zernez-Livigno pó gní consultá tres l'orar dla FFS.

Rové adalerch a Livigno y Bormio

Por Livigno y Bormio gnarál ativé corieres sostitutives y lapró gnarares ampliades les linies che é bele. La linia 811 gnará potenziada en colaboraziun cun la linia svizera. Por chi che röia adalerch cun l’auto él da ciafé plazes da parché a Zernez y Müstair. L’auto é da lascé dailó, por jí inant cun le shuttle cuntra Livigno y Bormio.

Tla Val de Flëm röion saurí cun la ferata tratan i Jüc Olimpics da d‘invern. I dis dles gares gnará i sorvisc dla ferata dla linia dl Prener renforzá cun ferates surapró sides da doman co da sëra.

Orar linia dla ferata dl Prener 100

Panoramica dl naveta

Tla staziun dla ferata de Auer pón mudé y jí inant cun le bus. Da dailó inant él i dis dles gares, a pert la linia regionala 140 de südtirolmubiltà (Auer - Ciavalëis) y la linia dl bus B101 de Trentino Trasporti (Auer - Ciavalëis - Penia), n sorvisc de shuttle dl organisadú. 

Por che che vëgn a ti ciaré ales gares cun l'auto él plazes da parché a paiamënt sön prenotaziun. Deplü informaziuns sön co rové adalerch, sön les limitaziuns dl trafich en forza y sön la prenotaziun dles plazes da parché ciafon sön le sit web dl organisadú.

Avis important:
i orars dl sorvisc de shuttle gnará publicá sön le sit web dl organisadú. Dai 5 ai 23 de forá y dai 5 ai 17 de merz 2026, pón jí debann sön chëstes linies dl bus de Trentino Trasporti tla Val de Flëm y Fascia cina al Passo San Pellegrino: B101, B102, B103, B104, B109, B111, B112, B113, B120, B122 y B123.
 

Rové adalerch tla Val de Flëm

L’azes tla Val de Flëm é poscibl ma da Ora demez, olache an röia cun la ferata y cun le bus. Dlungia les sëntes dles gares n’él degönes plazes da lascé jö i auti.Tla Val de Flëm él da ciafé plazes da parché (Park and Ride), da olache al pëia ia i shuttle por jí ti posć olache al vëgn tigní les manifestaziuns sportives.

Cortina d‘Ampëz: trasport publich por che che vá a ti ciaré ales gares

La ferata é le meso de trasport ideal por rové a Cortina d’Ampëz y por jí a ti ciaré ales gares olimpiches. La ferata de Puster vá ia por le de vigni mesora danter Franzensfeste y Sanciana. Por i vijitadus y les vijitadësses che vëgn dal Tirol él preodü na ferata al'ora. Tla staziun de Toblach á i vijitadus y les vijitadësses la poscibilité da s'anuzé dl sorvisc de shuttle a paiamënt dl organisadú, che i condüj diretamënter a Cortina d‘Ampëz. Chësc é l portal de prenotaziun per l servisc de naveta.

Iade derevers da sëra:
A Cortina d‘Ampëz él, a pert les gares de schi alpin dles ëres, ince les gares olimpiches da sëra de curling, bob, liösa y skeleton. Le shuttle danter Cortina y Toblach vá cina mesanöt.

Sön les trasses danter Toblach, Sanciana y Vierschach (orar B500) y danter Toblach y Bornech (orar B400) jarál dai 7 ai 21 de forá ince bus da sëra. Sön la trassa Bornech - Porsenú gnarál tl medemo tëmp pité vigni de i iadi "Bornech, staziun dla ferata dales 22:19 y dales 23:19" dla linia regionala 401 (orar 401).

A jë é a desposizion ence trëns speziai dla sëira (orar 400).

Plazes da parché por che che röia adalerch cun l'auto:
Por i vijitadus y les vijitadësses che röia adalerch cun so auto él a desposiziun la plaza da parché P+R tl raiun dla staziun dla ferata de Toblach. Da dailó inant él n shuttle che vá diretamënter a Cortina. Deplü informaziuns sön co rové adalerch y la poscibilité da prenoté ciafon chiló.

Os prei n vei che da Schluderbach (SS 51) ie limitaziuns dl trafic y che n’é nia pussëivel jì endò a Cortina d’Ampezzo.

Avis important:
Sön l'orar online de südtirolmubiltà ciafon ma i orars dla linia dla ferata de Puster y dles linies di bus regionai. I orars dl sorvisc de shuttle danter Toblach y Cortina gnará ma publicá sön le sit web dl organisadú, olache ara jará da prenoté i iadi.

Rové adalerch y shuttle por Cortina

• L’azes a Cortina è poscibl ma tres le bus shuttle da Toblach demez, dala staziun dla ferata. Cherta dl shuttle: 10 euro indöt, da jí y da gní
• Prenotaziun dl shuttle: al é debojëgn da prenoté danfora
• Dlungia la staziun de Toblach él incër 2000 posć por i auti

Ara ne vá nia da jí inant cun l’auto cuntra Cortina. A Carbonin vëgn les strades stlütes. An mëss se archité a Toblach y jí inant cun le shuttle, anfat cun ci meso che an röia adalerch (auto o trasport publich).