Vigni iade, n'esperiënza de mobilité unica

Vigni iade, n'esperiënza de mobilité unica

Combinede la ferata, la roda, l'auto y d'atri sorvisc te na manira scëmpla y asvelta. 

Al é anfat sce i rovëis adalerch cun la ferata, sce i rodëis cun l'auto o tolëis plü ion la roda, cun südtirolmubiltà ëise a desposiziun düc i sorvisc prinzipai de mobilité integrada dl Südtirol te na cherta interativa unica. 

Cun filtri spezifics ciafëise atira fora cara che é la soluziun plü adatada a üsc bojëgns, i podëis controlé la desponibilité tl tëmp real y i ti podëis pormez a dötes les informaziuns plü importantes. 

Chiride fora le sorvisc che Ves interessëia sön la cherta y moiesse atira te na manira scëmpla y inteliënta. 

Posć da parché l'auto

Chirise n post da lascé jö l'auto? Ciarede do sön la cherta por controlé tl tëmp real tan de lerch che al é tles plazes da parché y tan plënes che ares é tles cités prinzipales dl Südtirol, danter chëstes Balsan y Maran. I dac vëgn ajorná diretamënter dai sistems de gestiun dles plazes da parché che fej para. 

I box dla roda

Lascede jö Osta roda cun segurëza. Cun le sorvisc de box dla roda podëise resservé diretamënter dal'app südtirolmubiltà n post te n box singul o te n depot dles rodes. Le sorvisc é a desposiziun de dötes les anuzadësses y de düc i anuzadus che s'á registré. 

Deplü informaziuns é da ciafé sot Box dla roda südtirolmubiltà. 

CallBus 

Plü saurí rovëise a Osta destinaziun cun le sorvisc de bus a cherdada. Prenotede le iade tres l'app aposta y chiride fora les architades y i orars aladô de Üsc bojëgns, ti raiuns olache le sorvisc é atif. 

Deplü informaziuns sön i raiuns curis da CallBus.

E-Carsharing 

Adorëise n auto por rové Osc iade? Cun le sorvisc de car sharing cun auti eletrics metüs a desposiziun da AlpsGo podëise aposté n auto tles localités abilitades y ciaré do la desponibilité diretamënter sön la cherta. Por podëi s'anuzé dl sorvisc él da se registré sön la plataforma aposta. L'imprëst é a paiamënt. 

Deplü informaziuns é da ciafé sot AlpsGo Carsharing Alto Adige. 

Nota: les informaziuns y i dac é gnüs metüs a desposiziun porvia dla colaboraziun cun le NOI Techpark tres la plataforma Open Data Hub. L'ajornamënt y la prezijiun di dac é de competënza di ënc y di gesturs che i mët a desposiziun.