Ragazza seduta in treno

Sistem tarifer: La nfurmazions plu mpurtantes

Nsci vëniel calculà i priejes di viages

L raion dla rë südtirolmubiltà ie partì su te n 260 zones tariferes che ie la fundamënta per la calculazion dla trassa furneda (chilometri tariferes) y di priejes dl viac. Na zona tarifera curespuend n generel a n luech. I chemuns da na gran spersa ie partìi su te de plu zones tariferes. Uni fermeda dla curiera y dla ferata toca pra na cërta zona tarifera.

Tlo la nfurmazions plu mpurtantes:

  • Uni cherta de viac ie da cunvalidé dan che n scumëncia l viac cun la curiera y la ferata; sce no ne vel la cherta de viac nia.
  • Per uni viac vëniel calculà n priesc minim che curespuend a 10 chilometri tariferes. Ezezion: Per viages de cunliamënt cun la curiera tl raion de n luech vëniel cun l Südtirol Pass y l Euregio Family Pass calculà te duta la zones tariferes, ora che a Bulsan y a Maran, l priesc de 5 chilometri tariferes.

Priejes extra iel per i viages cun la furnadoies südtirolmubiltà coche nce per la ferata a scines strëntes dl Renon, pra vel’ cunliamënc sajonei dla curieres a destinazions de recriazion y raions da jì cun i schi, pra la curieres Nightliner coche nce pra linies dla curiera singules che vën urganisedes a livel cumenel. Pra la furnadoies de Kohlern, Mölten, Vöran y Meransen velel per tò pea la roda o n tier mé la chertes de viac dla furnadoies nstësses.
Mutons y mutans sota 6 ani furnea debant y ne muessa nia avëi na cherta de viac.
Per pudëi tò pea na roda o n tier de mesura mesana o granda sun i mesuns de trasport publics iel da paië n priesc per l viac.
Duta la despusizions n cont dla tarifes dl trasport daujin publich dla persones y dla nuzeda di mesuns de trasport ie unides fissedes dala Jonta provinziela.

Cёla: deliberazion n. 365 di 04/05/2023

Cëla: Zones tariferes i -distanzes

Ticketfinder
N cunsëi asvelt per té: tlo giapes la cherta de viac che passenea per té.
Mo d'autra nfurmazions
Istruzion per la cunvalidazion contactless
Check-in cun l Südtirol Pass y d'autra chertes de viac contactless.
Mo d'autra nfurmazions

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.