App altoadigemobilità con convalida online

Obliteré le Südtirol Pass online

Dai 26 d’aurí él val’ novités

Che che obliterëia so Südtirol Pass online cun le smartphone vëiga sëgn, cun l’ajornamënt di 26 d’aurí, i pröms mioramënc. Chiló i detais.

Al momënt vëgnel registré cina 1000 obliteraziuns online al de dl Südtirol Pass o dl Euregio Family Pass. De chësta poscibilité ne s’anüza nia ma che che vá cun le bus, mo bëgn ince tröpes porsones che vá cun la ferata che se sparagna da obliteré pro n aparat de obliteraziun, dantadöt canche ares tol a süd de Trënt les ferates regionales devers de Balsan/Prener.

Obliteré online: chirí fora can

Cin’ mëisc do l’introduziun dl’obliteraziun online él sëgn – ince porvia dles respostes de che che s’anüza di mesi de trasport publics y de so personal – les prömes novités. Cina sëgn êra insciö che n iade planifiché gnô sö automaticamënter sciöche „Iade atif“ da na cornisc vërda dal’ora de partënza preodü. Sciöche alternativa pó le iade chirí fora sëgn ince gní obliteré a man plü adora. Chësc é d’öga por les porsones che s’anüza di mesi de trasport che é bele val’ menüc dan l’orar dla partënza programada iló y ó ti mostré le „iade atif“ al ciafer dl bus canche ares sënta sön bus.

An fej insciö: cliché sot „Iadi programá“ / „Detais“ le botun bröm „Obliteré sëgn“. Da dailó inant vëgn sö le iade chirí fora sciöche iade atif.

Le Südtirol Pass pó sëgn ince romagne a ciasa

Tl ticketshop vëgn sëgn ince sö sot „Mi iadi“ y „Iadi atifs“ l’inom y le cognom. Cun chësta informaziun él plü saurí da fá i controi sön i mesi de trasport y an n’á nia plü bria da se tó para le Südtirol Pass sce an obliterëia online.

Obliteré online: madër porvé fora n iade!

Che che n’á ciamó mai porvé pó danz la vaghé n iade. Do s’avëi registré le pröm iade tl ticketshop vára da obliteré online cun püc clicks. An fej insciö:

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.