Infopoint Merano

Nuef a Maran: Infopoint südtirolmubiltà

La purtela dla SASA ie fat su dut ntëur nuef

Nce a Maran iel śën de n bel vërt linëus na luegia de venduda-südtirolmubiltà: Tla Rennweg n. 151 à l Infopoint nuef tl scumenciamënt de mei giaurì si portes.

Tl design dla südtirolmubiltà che duc recunësc ie l Infopoint śën la prima luegia de nfurmazion y servisc per duc chëi che ulëssa cumpré na cherta de viac tl zënter de Maran y per chëi che ulëssa ciarië su si Südtirol Pass o renuvé n abunamënt. Nce chi che à dumandes o cunsëies n cont dl servisc de trasport local ie for benunì.

Perdrët remplazea l Infopoint nuef la purtela de chertes de viac dla sozietà inhouse SASA che fova dant daujin sun l’autra pert de streda. La luegia de venduda südtirolmubiltà dut ntëur nueva vën inant meneda diretamënter dala SASA cun chisc orares de giaurida:

Lunesc - Venërdì: dala 7:00 ala 19:00
Sada: dala 7:00 ala 13:00

Tel. Nr. 0473 20 65 65

Bon a savëi: Sun truepa curieres a Maran y ntëurvia ne possen cumpré deguna cherta de viac. Chi che ne à degun Südtirol Pass o auter abunamënt fej perchël bon a se njinië na cherta de vac o na cherta valor – o tl Infopoint nuef sun l Rennweg o pra n automat de chertes de viac tla stazion de Maran.

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.