Dal 1. de merz inant costa la cherta Euregio Ticket Students ma plü 320 euro. A chësta moda él sëgn ciamó miú marcé por che che stüdia da jí incërch tl'Euregio sconan l'ambiënt.
L'ann passé d'isté él gnü porté ite la cherta Euregio Ticket Students sciöche pröm abonamënt anual dl trasport publich che vá sura i confins fora. Por na tarifa anuala fissa de naota 430 euro sciafiâ che che stüdiâ tl'Euregio da s'anuzé di mesi dl trasport publich tl Südtirol, tl Tirol y tl Trentin a na moda flessibla.
La desfarënzia vëgn retüda en proporziun
Cun na gran reforma dles tarifes tl Tirol vëgn le prisc por la cherta Euregio Ticket Students arbassada cotan. Pian ia dal 1. de merz dl 2022 costera 320 euro. A che che á bele na cherta Euregio Ticket Students ti vëgnel retü la desfarënzia en proporziun y plü avisa 9,17 euro por vigni mëis che romagn cina che la cherta anuala tomes.
Che che stüdia dl Südtirol che á damané do la cherta Euregio Students vëgn contaté dal ofize dl Südtirol Pass tres e-mail.
Che che damana chësc ann do na cherta Euregio Ticket Students o la lasciá renové ciafa dötes les informaziuns chiló.