Dai 12 ai 18 d'agost dl 2025 é la linea dla ferata dl Prener stlüta sön la trassa Porsenú-Prener-Steinach am Brenner (A) porvia de laurs de manutenziun. Al vëgn metü a jí n sorvisc de sostituziun cun le bus.
La rajun por la stlüta dla trassa é i gragn laurs de manutenziun al'infrastrotöra y les mosöres de preparaziun por proiec dla ferta dl dagní.
Tl detai vëgnel fat chisc laurs:
- manutenziun sistematica dles scines sön la trassa,
- manutenziun dl tunel de Pflersch,
- renovamënt de toc de scines tla staziun dl Prener,
- realisaziun dla burcia por la linia dla ferata de Puster sön la Val de Riga y
- laurs tl raiun a süd dla staziun de Porsenú.
Les mosöres vëgn a se le dé a öna cun le gestur dles infrastrotöres RFI y é gnüdes planificades a na moda da les combiné cun i laurs bele preodüs sön le toch austriach dla linia dla ferata dl Prener. A chësta moda pó mosöres de modernisaziun importantes gní trates dant y liades te na manira efiziënta ala rëi coletiva.
Conseguënzes por le trasport cun la ferata
Trasport regional
Sön le toch Balsan-Porsenú pó les ferates ma jí vigni ora tratan che la linia dla ferata tl'Alta Val d'Isarch é stlüta:
- Les ferates che vëgn da Maran pëia ia de regola vigni ora 2 menüc do l'ora dala staziun de Balsan demez; an röia tla staziun de Porsenú dui menüc do la mesa.
- Les ferates da Porsenú a Balsan vá ca. 30 menüc plü tert, ares pëia ia vigni ora dales 55 y röia a Balsan dales 29.
Metede prëibel averda: Dötes les porsones che vá inant a Maran mëss mudé a Balsan.
- Les ferates regionales dla sort “Regionale Veloce” vá ma da süd de Balsan demez y ne vá porintant nia da nord de Balsan demez.
- Danter Porsenú y Prener vál vigni ora n bus sostitutif. I bus pëia ia dala plataforma B dla staziun dla ferata de Porsenú demez.
Trasport dla roda: Ti bus sostitutifs ne vára nia da se tó para la roda.
- Tla staziun dla ferata dl Prener tolon le bus sostitutif SV300 dla ÖBB devers de Steinach am Brenner (A).
Orars dles trasses atocades
- Orar dla linia dl Prener: Linia 100 Porsenú-Balsan-Verona.
- Orar dl trasport sostitutif cun le bus sön la trassa Porsenú-Balsan: Linia B100 Prener-Porsenú-Trënt.
- Orar dl trasport sostitutif cun le bus sön la trassa Steinach (A)-Prener: Linia SV300 Steinach am Brenner-Prener.
Trasport a destanza lungia y de marcianzia
Tratan chësc tëmp vëgn les ferates a destanza lungia por ejëmpl les ferates Railjet (RJ) y Eurocity (EC) y le trasport de marcianzia oc sön la linia Tauern y Tarvis.
Deplü informaziuns sön le trasport sostitutif dla ÖBB
STA/Manuela Tessaro