Chiusura ferrovia Val Venosta
Dal 5 giugno chiusura serale e nei fine settimana / Autobus sostitutivi
de plu nfurmazions
Treno con logo Euregio

Euregio 2 Plus

Cherta nöia por döta l'Euregio

„Euregio 2 Plus“ á inom la cherta de iade nöia che vel dal 1. d'agost dl 2020: Por 39 euro pó cina cin porsones (alplü dui gragn y alplü trëi mituns sot 15 agn) s'anuzé deboriada di mesi dl trasport publich tl Südtirol, tl Trentin y tl Tirol.

La cherta dl'Euregio pón cumpré pro dötes les sëntes de venüda de südtirolmobil, pro automac dles chertes de iade y ti bus regionai. Ara ne se trata nia de na cherta por la familia, chël ó dí che les cin porsones n'á nia bria da ester parentela.

Tl Südtirol pó la cherta „Euregio 2 Plus“ gní tuta por jí cun les ferates regionales y i bus urbans y regionai y i city-bus dl sistem südtirolmobil, la furnadoia de Renon, la picia ferata dl Renon y la furnadoia dla Mendola. La cherta mëss gní obliterada denanco senté sö sön le bus o la ferata cun n check-in saurí. Ti paîsc vijins Tirol y Trentin tlechel da mostré la cherta sce an vëgn damaná.

Tl Trentin pón tó la cherta dl'Euregio por jí cun i bus urbans y extra-urbans de Trentino Trasporti S.r.l., les ferates regionales dla linia dla ferata dal Prener cina Borghetto, le coliamëmt dla ferata Trënt – Malè y Trënt – Primolano (Valsugana), sciöche la ferata Trënt – Sardagna.

Tl Land Tirol pó la cherta dl'Euregio gní adorada te döta la rëi de linia dl Tirol y sön les linies ti raiuns de porte y che vá sura i confins fora aladô dles desposiziuns sön les tarifes dl VVT.

La cherta dl'Euregio ne pó nia gní adorada por ferates che vá plü lunc, ferades dales rodes danter Sanciana y Lienz y le „bikebus“ sön la linia dla ferata Valsugana y Trënt – Malè. Al ne toca nia lapró les furnadoies de Kohlern, Mölten, Vöran y Meransen y la linia dl bus 442 Toblach-Braies dai 10 de messé cina ai 10 de setëmber. Pro la linia dl bus 273 velel la cherta dl’Euregio por döta la trassa Mals – Nauders – Martina, pro la linia 811 por la trassa Mals cina Müstair / confin.

Orars:

fahrplan.vvt.at (Land Tirol)
www.trentinotrasporti.it (Trentino)

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.