Ciodí pa orëi jí tres dalunc? Ince plü daimpró él tröp da odëi y che vá saurí da esploré zënza auto propi sëgn d'isté. Cun la cherta por n de Euregio 2 Plus pó cina 5 porsones – danter chëstes alplü 2 porsones adultes y 3 mituns/mitans sot a 15 agn - rodé deboriada n de intier cun i mesi dl trasport publich te döt le Südtirol, tl Bundesland Tirol y tl Trentin. Ara ne se trata nia de na cherta de familia, chël ó dí che les cin' porsones n'á nia bria da ester parentela.
Tl Südtirol vel la cherta por n de "Euregio 2 Plus" por:
- dötes les ferates regionales,
- i bus de cité,
- i citybus,
- i bus regionai dl sistem dl trasport südtirolmubiltà,
- la furnadoia y la picia ferata dl Renon
- la furnadoia dla Mendola.
Tl Trentin pón tó la cherta dl'Euregio por:
- i sorvisc de bus urbans y extra-urbans de Trentino Trasporti S.p.A.,
- les ferates regionales dla linia dla ferata dl Prener cina Borghetto,
- le coliamëmt dla ferata Trënt – Malè y Trënt – Primolano (Valsugana),
- la furnadoia Trënt – Sardagna.
Tl Bundesland Tirol pó la cherta dl'Euregio gní adorada te:
- döta la rëi de linia dl Tirol
- sön les linies ti raiuns de porte y che vá sura i confins fora aladô dles desposiziuns sön les tarifes dl VVT.
Tl Südtirol él da convalidé la cherta denanco senté sö sön vigni bus o ferata cun n check-in saurí. Ti paisc vijins Tirol y Trentin tlechel da mosté la cherta sce an vëgn damaná.
La cherta dl'Euregio ne pó nia gní adorada:
- sön les ferates che vá plü lunc,
- les ferates dles rodes danter Sanciana y Lienz,
- le "bikebus" sön la linia dla ferata Valsugana y Trënt – Malè,
- por les furnadoies da jí a Kohlern, Mölten, Vöran y Meransen,
- por les linies dl bus singoles ma de interes turistich.
Pro la linia dl bus 273 vel la cherta Euregio por döta la trassa Mals – Nauders - Martina, pro la linia 811 por la trassa Mals cina Müstair/confin.
Orars:
https://fahrplan.vvt.at (Bundesland Tirol)
https://www.trentinotrasporti.it (Trentin)