Proclamazione sciopero
Linee autobus e treni
de plu nfurmazions
Stlù l menù
due ragazze con smartphone all'autostazione di Bolzano

Assalt online ales informaziuns sön i orars

Por le pröm iade án arjunt les 100.000 archirides

Le pröm de de scora n’él nia ma tröc che é jüs tles classes, mo bëgn ince sön nosta app y plata internet: cun passa 100.000 archirides de orars online.

Sön südtirolmubiltà él gnü avisa 106.525 archirides de orars en lönesc, ai 5 de setëmber dl 2022, de chëstes n’él gnü fat rodunt 88.000 tres l’app y le rest sön la plata internet. Chësc é le majer numer d’archirides fat da süa ediziun s nöia dan da 2 agn y chësc é dui iadi tan de archirides co che al ne vëgn fat mesanamënter n ater de: n sëgn che l’archirida online vëgn anuzada y che la mobilité ne podess mai plü nen fá amanco.

Arjigná ca sciöche al alda cun n server surapró

Por ti ester a n te assalt él gnü arjigné ca dan da val’ mëisc n secundo server. Tl passé ê les plates web y l’app suraciariá ti dis plü ziti. Sëgn vëgnel garantí che la plata web y l’app ti sides ince i dis olache al röia ite dër tröpes domandes d’archirida, dantadöt sce le bojëgn d’informaziun é dër gran, por ejëmpl sce al é interuziuns che döra plü dî sön certes linies, sce al é mudaziuns di orars porvia dl burt tëmp, ti orars zentrai o tl caje de de gran manifestaziuns desvalies.

Les funzionalités vëgn laurades fora inant

Implü ciarunse tres da lauré inant y pité funzionalités nöies y informaziuns surapró che reverda dantadöt i orars tres l’app. Tosc ne gnarál nia ma plü mostré sö sön la cherta les staziuns dla ferata y dl bus, mo bëgn ince le numer dla scina y – pro de gran staziuns dl bus – ince l’inom dles fermades.

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.