Euregio Ticket
Sön le iade zënza confins danter le Tirol, le Südtirol y le Trentin
L’Euregio Ticket é la soluziun nöia ponsada por scemplifiché i spostamënc tla regiun europeica Tirol–Südtirol–Trentin. Chësc abonamënt anual, che é ponsé por pendolars y pendolares y porsones che roda gonot fora por l'Euregio, jará en forza dal 1° de jená dl 2026 inant.
Comanede Osc Euregio Ticket online
Ci é pa l’Euregio Ticket?
L’Euregio Ticket n'é nia na cherta unica, mo na combinaziun de dui titui de iade da se tó para saurí te na vaina cun design Euregio:
- KlimaTicket Tirol
- le südtirolmubiltà Fix365 Pass cun design dl'Euregio
Tramidui i tickets mantëgn i termins y les condiziuns d’adoranza de sü raiuns d'interes:
- Tl Tirol pón adoré le KlimaTicket daite dala rëi dl fornidú dl sorvisc dla mobilité austriach VVT por le trasport local sön bus, ferates, sorvisc urbans y ferates che vá lunc.
- Tl Südtirol velel deperpo sön döta la rëi integrada südtirolmubiltà por i mesi dl trasport publich local, ater co pro les ferates Railjet, EC, Frecce, Italo y d'atres ferates che vá lunc.
- Tl Trentin pón jí cun l'Euregio Ticket sön i mesi de trasport locai de Trentino Trasporti.
Tirol
- Nightliner (ferata y bus)
- Ferates che vá lunc (ÖBB, DB, Westbahn)
- Hungerburgbahn
- P+R
- Cians debann (Tirol dl Nord/Tirol dl Ost)
- Rodes te bus (debann, stlüt fora les linies turistiches)
- Regioflink (shuttle da podëi aposté)
Südtirol
- Linies dla ferata regionales
- Linies di bus urbans y extraurbans
- Furnadoies y implanc: Renun, Ferata dl Renun, Mendola, Kohlern, Mölten, Vöran
- Fix365: poscibilité da ciafé debann n südtirolmubiltà U19 Pass por üsc mituns/ostes mitans sot i 19 agn
Trentin
- Ferates regionales
- Bus urbans y extraurbans
- Furnadoia Trënt–Sardagna
Ci ne toca pa nia lapró
- Tirol: linies privates y turistiches (por ej. Sightseen Innsbruck, Swarovski Shuttle)
- Südtirol / Trentin: Nightliner (a paiamënt), ferates che vá lunc, linies sajonales o turistiches (por ej. 439, 444)
Dai 15 de dezëmber dl 2025 inant vára da comané l'Euregio Ticket sön le portal dl utënt südtirolmubiltà. Al vel dal 1° de jená dl 2026 inant.
Ciodí desson pa le comané atira?
Por lauré fora la domanda vál debojëgn de feter 10 dis da laur, fajede porchël atira domanda por schivé da perde dis por viagé.
Implü mët man la validité dl ticket dal pröm de dl mëis dedô, zënza poscibilité d'emisciun tl mëis corënt.
Tl Südtirol y tl Trentin pón ma damané do online tres le portal dl utënt südtirolmubiltà. Tl Tirol pón le damané do pro le sorvisc dl trasport austriach VVT tres le formular aposta online dal 1° de dezëmber dl 2025 inant.
Surandada dla cherta
- I anuzadus y les anuzadësses tl Südtirol pó jí a do süa cherta tl punt de venüda südtirolmubiltà chirí fora o se le fá ortié por posta.
- A che che fej domanda tl Trentin ti vëgnel ortié por posta ala misciun dada dant.
- Porsones che á la residënza tl’Euregio chël ó dí tl Tirol, tl Südtirol y tl Trentin
- Che che á passa 65 agn y che che á manco co 26 agn y ne frecuentëia nia n istitut scolastich dess cumpré diretamënter le südtirolmubiltà Pass (südtirolmubiltà 65+ Pass o südtirolmubiltà U26 Pass sön le portal südtirolmubiltà, le KlimaTicket VVT y la cherta libera circolazione dl Trentin sön i canai preodüs.
- Che che á manco de 26 agn y frecuentëia n istitut scolastich pó deperpo cumpré l‘Euregio Ticket Students.
I ves recordun che al momënt n'él nia danman reduziuns de val' sort.
Por dötes les chertes Fix365 cun design Euregio dades fora tl Südtirol velel, por i trasporc locai tl Südtirol, i medemi criters d'adoranza dl südtirolmubiltà Fix365 Pass. Vigni iade cun le bus y la ferata mëss gní registré cun n check-in canche an sënta sö y n check-out canche an sënta jö.
- Tl Tirol velel le KlimaTicket.
- Tl Trentin vel deperpo l’Euregio Ticket sot forma de Fix365 cun design Euregio, dé fora tl Südtirol, sciöche cherta da mostré.
An messará le convalidé por chisc iadi:
- sön i bus regionai, che vá danter les provinzies y che á l'aparat de convalidaziun südtirolmubiltà. Chëstes é les linies: 140, 180, 246, 273 (tó diretamënter le KlimaTicket), 471 y 811.
- por i iadi cun la ferata devers dl Südtirol pian ia da Trënt, Desproch, Sillian y Lienz. Le codesc de destinaziun por la convalidaziun é Prener o Sanciana y messará gní dé ite sciöche staziun de partënza tratan le check-in pro i aparac de convalidaziun de südtirolmubiltá, y spo él da chirí fora le codesc dla staziun olache an ó rové.
Por dötes les chertes Euregio Ticket velel i criters d'adoranza dla regiun olache an vá cun la ferata y le bus. An mëss dantadöt se tigní ai regolamënc desvalis por les ferates che vá lunc y por se tó para rodes y tiers sön i mesi dl trasport publich.
L'Euregio Ticket y l'Euregio Ticket Students é tramidui titui de iade che conzed da rodé te döta la regiun Euregio. Mo al é condiziuns desfarëntes
- l'Euregio Ticket pó gní comané da utënc che á la residënza tl Tirol, tl Südtirol o tl Trentin y costa 750 € al ann;
- l'Euregio Ticket Students é deperpo n abonamënt anual da 356 € che pó ma gní comané da utënc/utëntes scric ite a n'université o a n istitut d’istruziun ecuivalënt tl'Euregio