Particolare delle mani del controllore che controlla un biglietto.

Rejons y duvieres di/dla passajires

A cie iel pa da dé ahta canche n furnea cun la curiera y la ferata

La cundizions de nuzeda dl trasport de persones publich ie fissedes cun la delibera dla Jonta provinziela di 04/05/2023 n. 365. Tl articul 20 iel cumpedà su la rejons y i duvieres di/dla passajires. Tlo plu avisa:

L dërt de trasport

I/la passajires à la rejon de unì traspurtei pernan che i/les sënta ite te n mesun de trasport publich y a cundizion che i/les à na cherta de viac che vel y che i/les à fat la cunvalidazion.

Curieres: I/La passajires aspieta tl raion dla fermeda y ti fej n sëni ala curiera che vën adalerch che i/les ulëssa senté ite.

La lueges da senté ie resservedes dantaldut per persones cun dejabiltà, ëiles che aspieta, seniores y passajires cun pitli mutons. Per la persones cun dejabiltà muessel tla curieres vester da garat almanco trëi lueges da senté daujin ala porta da jì ora, y n muessa pudëi jì tla curierea nce tres la porta da jì ora.

Nia tëutes pea ne vën la persones che refudea de respeté la prescrizions de orden y segurëza dl servisc, chëles che ne respetea nia la regules de bona maniera, che desturba i autri/l’autra passajires, chëles che dejëuj tla curiera si prufescion de venditëur, ciantarin, musicont o lëures semienc.

Chertes de viac

I/La passajires muessa nstësc cialé de si cherta de viac y ie respunsabli/respunsables che la ne vede nia perduda y che la ne vënie nia ruineda.

La chertes de viac persuneles muessa unì mustredes ca adum cun n documënt de identità tl cajo de n cuntrol o sce l personal de cuntrol o l sciafer/la sciafera se l damanda. Mutons/Mutans che ne à mo nia cumplì 14 ani ne ie nia sometui a chësta regula, ëi/ëiles à mé drë de mustré ca la cherta de viac.

Sce n ne respetea nia la regules

I/La passajires muessa se tenì ala regules y istruzions dl personal de servisc y i/les à la respunsabiltà per i danns che i/les gauja ai veicui, a terzi y a cosses.

Sce la regules nunziedes ne ëssa nia da unì respetedes y l ne fossa, pervia dla situazion, nia cunsià de furné inant, possa l sciafer/la sciafera o l personal de cuntrol se damandé la ntervenzion dla forzes dl orden.

Sce zachei sun n mesun de trasport mët tl pericul la segurëza y l se dejëujer tl orden dl servisc tres si cumpurtamënt, à l cuntrolëur/la cuntrolëura o l sciafer/la sciafera l dërt, zënza descuscions y aldò de coche ëi miena, de ti tò la cherta de viac, sce l se trata de na cherta de viac persunela. Tl cajo che l se trate de persones sëura i 18 ani ne possa chëstes eventualmënter nce nia plu unì lascedes furné inant. L ufize cumpetënt dezid per tan giut che la cherta de viac ti vën tëuta, l tëmp va da almanco un n mëns a alplù n ann. Te chësc tëmp ne possel nia unì damandà na cherta de viac nueva o n duplicat.

N cont dl cumpurtamënt di/dla nuzadëures di mesuns de trasport publics vëniel aplicà l titul dl DPR di 11 de lugio 1980 n. 753 sun la tematica “Nuove norme in materia di polizia, sicurezza e regolarità dell’esercizio delle ferrovie e di altri servizi di trasporto”. Chësc vëij nce danora straufonghes aministratives per cumpurtamënc contra la regules. 

Passajires che ne azetea nia la straufonga aministrativa y che ne dà nia ju si dac persunei muessa – sce i à plu che 18 ani – jì ora dl veicul. L personal dla curiera o de cuntrol possa, sce l ie de bujën, se damandé l ntervënt dla forzes dl orden.

Delibera dla Jonta provinziela di 04/05/2023 n. 365

Impianti fissi: disposizioni per passeggeri

Reclamaziuns
I termi por respostes vëgn regolamentá dala lege
Mo d'autra nfurmazions
Sistem tarifer y cunvalidazion dla chertes de viac
Nsci vala: cunvalidazion contactless y calculazion dla tarifa.
Mo d'autra nfurmazions

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.