Le Lech de Braies, Plätzwiese, Fischleintal o les Trëi Pizes de Lavarëi: che che á intenziun da fá na jita te chisc raiuns fej dërt da tó le bus o i shuttle bus.
Vigni ann tla sajun alta él milesc de porsones en vacanza y de escurjionisć y ecurjionistes che röia tl raiun dles Dolomites. Les mosöres de limitaziun dl trafich y les sarades dl azes temporanes mira a regolé les gran aflus de jënt che röia vigni de adalerch y a tigní le plü che ara vá dalunc auti y motors.
Porchël: sce i orëis rové a destinaziun te na manira ecosostignibla, comota y sigüda anuzesse di bogn coliamënc de bus y shuttle bus metüs a desposiziun en colaboraziun danter la Provinzia, les organisaziuns turistiches, le consorz mobilité y i comuns, dantadöt sce i orëis jí te raiuns tan popolars. Metede averda: por ci che reverda les chertes de iade, les tarifes y la prenotaziun online él da tigní cunt de n valgönes cosses pro chisc bus.
Bun da savëi
Linia 439 Valsperch – Lech de Braies y Linia 442 Toblach – Niederdorf – Braies:
dai 10 de messé cina ai 10 de setëmber mësson, por podëi s'anuzé de chëstes döes linies dl bus, se prenoté y paié online tl portal de prenotaziun sön la plata web https://www.prags.bz/de
Ezeziun: Por les porsones che á n Südtirol Pass o n abonamënt dla südtirolmubiltà vëgnel resservé vigni iade 10 posć da senté por chi che an ne mëss nia se prenoté online.
Le Südtirol Pass y i abonamënc dla südtirolmubiltà pó gní adorá sön trames les linies. Tl tëmp nominé dessura ne vel indere nia les Mobilcard, les chertes valur y les chertes di ghesć.
Linia 440 Le Sest – Fischleintal – Ju de Munt de Crusc: dai 11 de jügn ai 8 de otober pón rové tl Fischleintal ma cun le shuttle bus. Al é tarifes aposta y an pó fá la cherta sön le bus. Ara vá da adoré le Südtirol Pass y i abonamënc dla südtirolmubiltà sciöche ince la SextenCard, mo nia dötes les atres chertes di ghesć y les Mobilcard.
Por la jënt che vëgn da fora de Le Sest vëgnel aconsié da tó le bus de linia 446 Toblach - Sanciana. Al é la poscibilité da tó le shuttle bus tl Fischleintal pro la staziun a val dla furnadoia dl Elm a Le Sest.
Linia 443 Toblach / Valsperch – Schmieden – Plätzwiese: sorvisc de trasport publich, al vel dötes les chertes y i abonamënc dla südtirolmubiltà, le Südtirol Pass, les Mobilcard y les chertes di ghesć.
Linia 444 Toblach – Misurina – Ütia Auronzo/Trëi Pizes de Lavarëi: en sorvisc dai 3 di jügn ai 15 de otober. Al é da se prenoté y paié danfora online sot a www.drei-zinnen.bz./ticket. Les chertes che romagn, sce al n'é, pó ince gní cumprades tla staziun dl bus o dla ferata de Toblach. Ara vá da adoré le Südtirol Pass y i abonamënc dla südtirolmubiltà sciöche ince la SextenCard, mo al ne vel nia dötes les atres chertes di ghesć y les Mobilcard.