Crissa orares: ajurnamënt di server
Lunesc crissa orar al mumënt
de plu nfurmazions Stlù l menù
controllore

La jënt che s'anüza di mesi publics dl Südtirol é en general "onesta"

Ala maiú pert dles porsones ne ti tomassel gnanca mai ite da tó i mesi publics zënza paié

26 de novëmber dl 2020

Al é ri da dí tan de "passajiers a fosch" che al se la roda tles ferates dl Südtirol y ti bus regionai. Tanc che é "gnüs abiná" desmostra i dac di agn 2018 y 2019 che l'assessur por la mobilité Daniel Alfreider á presenté ala fin de novëmber porvia de na interogaziun dl consëi provinzial.

Damperfora él da dí: tl Südtirol él incër 7000 iadi singui di bus y dles ferates cun indöt da 70.000 cina 100.000 passajiers al de, dl 2019 él gnü registré passa 54 miliuns de convalidaziuns. Le personal sön i mesi fej controi a caje por ciaré do sce i passajiers á na cherta de iade varënta y timbrada, y fá sce al vá debojëgn na straufunga.

Aladô di relevamënc dla Repartiziun Mobilité á por ejëmpl le conzescionar SAD fat dl 2019 indöt 921 straufunghes te ferates, bus y furnadoies, por na soma totala de incër 33.000 euro, dl 2018 él cinamai gnü fat 1.193 straufunghes por n'amunta de presciapüch 42.000 euro. La maiú pert dles strufunghes é gnüdes fates tles ferates.

Por ci che reverda le sorvisc di bus dl conzescionar LiBUS él gnü controlé dl 2019 prësc 2400 bus fajon indöt 621 strufunghes por n'amunta de incër 12.000 euro, tl ann da denant êl gnü fat 637 straufunghes.

Tles ferates de Trenitalia él gnü abiné y straufé ti ultims dui agn indöt 1402 passajiers a fosch y l'ann passé él gnü trat zoruch 266 abonamënc che gnô adorá ilegalmënter.
I dac dl sorvisc de bus zitadin Sasa n'é nia da ciafé te chësta lista.

Che al nen sides tröc o püc che vá a fosch tl Sütirol é na chestiun de minunga. Al é n fat che la maiú pert di passajiers timbrëia regolarmënter süa cherta de iade - te so interes, sciöche l'assessur Alfreider alza fora: "Cun ci che vëgn ite dales chertes y dai abonamënc vëgnel finanzié le funzionamënt y la modernisaziun dla mobilité publica. Porchël é le timbré regolarmënter les chertes de iade inultima sambëgn ince tl interes di passajiers instësc.”

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.