[Translate to Ladin:]

Stlütes porvia de laurs de manutenziun 2022

L’infrastrotöra dla ferata vëgn controlada regolarmënter.

Les linies dla ferata vëgn controlades regolarmënter, avisa sciöche dötes les infrastrotöres de trasport, a livel tecnich. La pröma stlüta dl 2022 é en domënia te Puster.

De plü iadi al ann, sovënz la domënia danmisdé, fej la sozieté che gestësc la rëi dla ferata RFI controi tecnics sön la linia dla ferata de Puster y Maran. Les linies romagn te chisc dis porchël n valgönes ores stlütes. Al vëgn controlé dantadöt i sistems de segurëza y la linia aerea, implü s’anuzon dla stlüta da fá de mëndri laurs de manutenziun dl’infrastrotöra.

Sön l’assa de trasport prinzipala dla ferata dl Prener él indere vigni de danmisdé na picia „locia” por la manutenziun cun na limitaziun dl trasport cun la ferata, che vá debojëgn por i laurs de ispeziun y manutenziun. Atramënter co pro la linia dla ferata dla Venosta ne vára da fá degügn controi y laurs de manutenziun de nöt sön la linia dl Prener, porvia dl gran trafich de marcianzia.

En domënia laurs de manutenziun te Puster

La pröma stlüta por fá laurs de manutenziun de mez n de da chësc ann é preodüda en domënia, ai 16 de jená te Puster. La trassa Franzensfeste – Sanciana romagn stlüta dales 6.30 ales 13.30, la trassa Sanciana cina al confin dales 9.00 ales 12.00. Sciöche dagnora él n bus che vá impede la ferata. I bus vá feter düc vigni mesora danter Franzensfeste y Sanciana; danter Sanciana y Sillian vái vigni ora.

Les prömes ferates pëia ia aladô dl orar dales 13.50 a Franzensfeste y a Sanciana.

Previjiun: stlütes porvia de laurs de manutenziun 2022

Chësc ann é les stlütes porvia de manutenziun preodüdes te chi mëisc olache an s’aspeta manco ghesć y manco trafich. Les stlütes te Pustrer sará aladô dl program de laur da sëgn chëstes domënies: ai 16 de jená, ai 20 de merz, ai 15 de ma, ai 17 de messé, ai 18 de setëmber y ai 20 de novëmber. Por la linia de Maran él preodü na stlüta de de plü ores ai 13 de forá y ai 9 d’otober, sciöche ince stlütes ai 10 d’aurí y ai 18 de dezëmber.

Giapé nutizies-push

Giapa nfurmazions sun ti fermedes y linies. Chësta mpustazion possa unì deativeda te uni mumënt tres l browser.