Südtirol Mobil | Mobilità Alto Adige

Sce n tol pea na roda sun n mesun de trasport publich ie chësc servisc da paië, y per rejons de lerch y segurëza ie la puscibiltà limiteda.

N generel ie l trasport de rodes sun i mesuns publics mé puscibl sce l ie lerch assé y sce la segurëza ie garantida defin. Resservé posć ne ie nia puscibl.

Acioche l ne vënie nia massa strënt tla ferata dla Val Venuesta vëniel njinià ite uni ann dai prim de lugio ai 30 de setëmber n trasport a pert per la rodes tres furgon sun streda.

Per jites cumbinedes cun la roda y i mesuns de trasport publics y per schivé n sëurafulamënt tla ferates àn metù a jì na cunlaurazion cun butëighes de mprëst de rodes privates cun de ndut n doi desëines de lueges de mprëst pra truepa stazions te duta la provinzia.

Pervia dla truepa jënt che ie de viac tamesa l d’instà vëniel nce chëst ann n i fins dl’ena pità deplù ferates danter Burnech y Sanciana.