NIGHTLINER

N sada sëira y n San Silvester pieta l Nightliner ai amanc dla nuet n’auternativa segura per ruvé a cësa sann y nton. Chësc per arbassé l numer di nzidënc n la fin dl’ena. L servisc Nightliner ie deventà n elemënt de mpurtanza tl sistem de trasport publich dl Südtirol y ti ultimi ani ie la ufierta for unida amplieda a na moda da pudëi arjonjer plu y plu luesc.

Orars tl format PDF

Nfurmazions sun i orares dl servisc Nightliner:

Per l servisc Nightliner velel chësta chertes:

  • Cherta singula: 3,00 Euro (da cumpré tla curiera)
  • Cherta de nuet per duta la linies: 5,00 Euro (da cumpré tla curieres y pra la purteles automatiches) 
  • Cherta 10 nuetes: 30,00 Euro (da cumpré pra la purteles automatiches).

Nightliner y Südtirol Pass

L Südtirol Pass, l EuregioFamilyPass, l Südtirol Pass 65+ y l Südtirol Pass abo+ cun servijes de njonta a paiamënt possa nce unì adurvei per duta la linies de curiera per la nuet tlassifichedes sciche “Nightliner”.
Cun n “Check In” scëmpl vëniel trat ju per un n viac la soma che curespuend a na cherta de viac singula, chël uel dì 3,00 euro.
Tl cajo che n furnea plu iedesc te na nuet ie la soma mascima trata ju automaticamënter chëla de na cherta de nuet de 5 euro.
Tl account persunel (sot al pont dl menù „Zusatzpakete“ o “Pacchetti extra”) iel puscibl cumpré na cherta pachetl “Nightliner” per 10 nuetes al priesc de 30 euro. La spëisa dl pachetl “Nightliner” unirà trata ju diretamënter dal Südtirol Pass.

Ndicazion per chi che à n Südtirol Pass y n EuregioFamilyPass: I viages sun i "Nightliner" NE nfluenzea NIA l stat di kilometri, chël uel dì che l ne vën nia acumulà kilometri.

Link: