Error message

Notice: Undefined index: disabled_javascripts in eu_cookie_compliance_page_build() (line 306 of /var/WebServices/home/www/Virtual-Hosts/www.sii.bz.it/sites/all/modules/eu_cookie_compliance/eu_cookie_compliance.module).

Limitazions per l trasport - la segurëza muessa unì garantida

Tl pruzes de modernisazion dl trasport dla ferata locala y dla stazions cun azesc zënza rëms architetonics y l’adurvanza de ferates nueves cun plataforma arbasseda iel unit adotà mesures per alesiré l trasport dla rodes sun la ferates.

A uni moda ie l sistem de trasport publich dl Südtirol unit laurà ora dantaldut per l trasport de persones. L ie defati rië cunzilië i tëmps de viac y i tëmps de coinzidënza curc, la gran cumpëida dla persones che ie de viac, dantaldut ntan l’ëures de rëscia, coche nce ntan l fin dl’ena, cun l’ativiteies de cëria y descëria che tol ora truep tëmp y cun n trasport de na gran cumpëida de rodes. La truepa rodes sun i tretuares pra la stazions y sun la ferates ie n problem per rejons de segurëza. Tl cajo de sëuraciarieda possa l personal dla ferates pruibì l traport dla rodes y perchël ne iel nia for garantì che duc i passajires, scebën che i à na cherta che vel, possa zapé limpea tla ferata.

N generel ie l trasport de rodes sun i mesuns publics mé puscibl sce l ie lerch assé y sce la segurëza ie garantida defin. Resservé posć ne ie nia puscibl. La ferates locales possa tò su n 16-20 rodes ti cumpartimënc per la rodes aposta. Te n valguna curieres extraurbanes possa vel’ roda unì cunceda ite tl cumpartimënt portacufri ntan che tla curieres nueves cun plataforma arbasseda ne ie l trasport nia lascià pro. L ne ie nia cunzedù traspurté rodes sun la curieres urbanes y ti citybus.

Portarodes aposta cun 5-6 lueges ie a despusizion da d’ansciuda nchin da d’auton sun la curieres de chësta linies:

  • Linie 273 Mals – Martina (25.03.18 – 05.11.18)
  • Linie 245 Maran – Ulten – Lana (25.03.18 – 05.11.18)
  • Linie 321 Persenon – St. Andrä – Plose (02.04.18 – 08.12.18)
  • Linie 340 Persenon – Tluses – Funes (02.04.18 – 08.12.18)

La fermedes ulache la rodes possa unì ciariedes sun la curiera ie ndichedes sun l orar cun l simbul dla roda.