Error message

Notice: Undefined index: disabled_javascripts in eu_cookie_compliance_page_build() (line 306 of /var/WebServices/home/www/Virtual-Hosts/www.sii.bz.it/sites/all/modules/eu_cookie_compliance/eu_cookie_compliance.module).

Chertes de viac | Carateristiches genereles

Tl sistem de trasport ntegrà de Südtirol se defrenziea la chertes de viac nsci:

  • chertes de viac a tarifa chilometrica (cherta scëmpla, cherta valor, Südtirol Pass y EuregioFamilyPass Südtirol);
  • chertes de viac a tëmp (Südtirol Pass abo+, Südtirol Pass 65+);
  • chertes de viac debant.

Duta la chertes de viac muessa unì cunvalidedes y chël per uni trata. La cunvalidazion vën fata canche n scumëncia l viac:

  • per la chertes de viac a tëmp y per chëles debant iel de bujën la cunvalidazion per l cuntrol dla validità y l relevamënt dl numer di viagiadëures. L ne muessa nia unì dat sëura la destinazion;
  • sun la linies de trasport, cun na trassa mé tla medema zona tarifera, ne iel nia de bujën de dé sëura la destinazion;
  • per la chertes de viac a tarifa chilometrica y per la linies de trasport che passa tres de plu zones tariferes iel da dé sëura la destinazion:
    • per la chertes de viac a tarifa chilometrica cun tecnologia a vëta manietica muessen, canche n scumëncia l viac, dé sëura la destinazion;
    • per la chertes de viac a tarifa chilometrica, cun tecnologia contactless muessel unì fat l "check in" canche n zapa sun l mesun de trasport, ntan che la fermeda de destinazion vën data sëura canche n zapa tl mesun o tres l "check out" dan jì ora.
      Sce la fermeda de destinazion ne vën nia data sëura, vëniel ratà la tarifa che curespuend a duta la trassa dl mesun de trasport. Tl cajo dla ferata curespuend chësta tarifa ala trassa Mals - Sanciana, ora che ti caji che l sistem tecnologich ie bon de recostruì i detai dl viac fat.

Per ti alesiré ai utënc l’adurvanza di servijes dl trasport publich iel puscibl cumpré sun la corieres extraurbanes chertes de viac scëmples, chertes valor y chertes dl dì per roda.

Link: