Error message

Notice: Undefined index: disabled_javascripts in eu_cookie_compliance_page_build() (line 306 of /var/WebServices/home/www/Virtual-Hosts/www.sii.bz.it/sites/all/modules/eu_cookie_compliance/eu_cookie_compliance.module).

Adurvanza debant di mesuns publics

Furné debant possen cun duc i mesuns publics dl sistem de Trasport Ntegrà Südtirol (nia furné debant ne possen cun la ferates sun la trassa Prëner-Dispruch y Sanciana-Lienz).

Chi possa pa se nuzé debant di mesuns publics?

  • i mutons sot ai sies ani y i mutons residënc tla provinzia che à bele cumplì sies ani, ma che ne va mo nia a scola, furnea debant. Ëi possa mé furné cun i mesuns publics sce acumpaniei da na persona de majera età.
  • la persones vierces y puech-udëntes possa se nuzé debant di mesuns publics mustran su la relativa tessera.
  • persones residëntes tla Provinzia de Bulsan cun na nvalidità zevila de almanco 74% o persones che à n’autra sort de nvalidità, che n basa ala delibrazion dla Jonta provinziela n. 3755 di 9 d’utober 2000 vën ecuipareda al grado de nvalidità zevila dl 100%, persones residëntes tla Provinzia de Bulsan che per n handicap fisich permanënt ne ie nia bones de fé l registramënt pra i automac dla chertes, possa se nuzé di mesuns publics debant. Sun dumanda de chi che à la rejon y cun la documentazion dl dutor che ie debujën vëniel dat ora dal Ufize Trasport persones na cherta de zirculazion liedia.
  • Sculées y sculeies che che tòl pert a barac culturei o scumenciadives umaniteres cun scoles dla provinzia possa se nuzé debant di mesuns de trasport publich - tl lim de tëmp de si permanënza. L ufize Trasport persones dà ora n’autorisazion a furné sun chëla che l ie dat sëura l tëmp te chël che i possa furné debant.
  • Persones che fej servisc de ulentariat zevil o soziel aldò dla Lege Provinziala di 19 de novëmber dl 2012, n. 19 possa se nuzé debant di mesuns publics mustran su la cherta de recunescimënt dl servisc zevil o soziel.
  • Jëuni che dejëuj tl Südtirol l ann de ulentariat soziel o l servisc ulenter europeich aldò dla normativa relativa possa se nuzé debant di mesuns de trasport publich tl lim dl tëmp de si servisc de ulentariat.
    L Ufize Trasport persones dà ora n’autorisazion de furné da chëla che l resultea l tëmp de nuzeda valëivl.
  • La forzes dl ordenn ie autorisedes al trasport debant tl cheder de si servisc ënghe sce i furnea furnii n zevil.
  • L personal dla forzes armedes possa furné debant canche l ie de servisc y sce de viac cun l’uniforma.

Link: